نیۆ یۆرک تایمز: ترکیا بوویە ھێلینا کرێگرتیێن رەژیما ئیرانێ

نیۆ یۆرک تایمز: ترکیا بوویە ھێلینا کرێگرتیێن رەژیما ئیرانێ

رۆژنامەیا ئەمریکی، زە نیۆ یۆرک تایمس د ھەژمارا خوەیا پێنجشەمی ٢٨ێ چلە دا نڤیساند کو ترکیا ژ بۆ دژبەرێن رەژیما تەھرانێ بوویە جەهەنەم و باژێرێن وێ بوونە ھێلینا کرێگرتی و سیخورێن رەژیما ئیرانێ.

د راپۆرەکێ دا، ڤێ رۆژنامەیێ ھوورگلیێن زێدەتر دەربارێ رەوشا ژیانا دژبەرێن رەژیما ئیرانێ ل ترکیێ ئاشکەرا کرن و باسی رەوشا ژیانا ھەڤژینەک ئەمریکی-ئیرانی کریە کو ل باژێرەکی پچووکێ پەراڤی ل تورکیێ ب ھەڤ را دژیان و هەر وەها باسی ڤێ یەکێ دکەت کا ب چ رەنگ ئارامیا ڤان دو کەسا ب گەفێن کەسێن سەر ب ئەولەکارایا ئیرانێ ھەلوەشیا و پشتی دەمەکێ ژیان ژ بۆ وان بوویە کابووس.

ڤان ھەڤژینا پەیامێن گەف و ب ئێش ژ وان کەسێن کو باوەر دکەن ئەو کرێگرتیێن رەژیما ئیرانێ نە ل ترکیێ، وەرگرتینە.

رۆژنامەیێ ب ڤەگوهاستن ژ زاردەڤێ ڤان هەڤژینا راگھاند، کو ترسا ژ رەڤاندن و کوشتنا دژبەرێن ئیرانێ ل ترکیەیێ د مەھێن داوی دا گهایە ئاستا هەری خەتەر.

خۆشرۆ کو پشتی زیندانیکرن، لێدان و ئێشکەنجە کرنێ ل ئیرانێ ژ بەر بەشداری کرن د خوەپێشاندانا چریا پاشین دا کو ژ بەر زێدەبوونا ژ نیشکەکێ ڤە یا بھایێ بەنزینێ هاتنە ئەنجامدان ژ ئیرانێ رەڤییە، ژ بۆ نیۆ یۆرک تایمس گۆت “ژ بۆ کو ئەم پێدڤییێن خوە پەیدا بکەین، ئەم دچین سوپەرمارکەتا ھەری نێزیک و ڤەدگەرن. ھندەک کرێگرتیێن رەژیمێ دهێنە ناڤ ئاڤاھیا کو ئەم لێ روودنین، روویێن خوە دگرن، و هندەک جاران ژی ل دەرگەهێن مە ددەن.”

ل گۆری نیۆ یۆرک تایمس، ترکیا ژ بەر پێگەها خوە یا جوگرافی یا ل گەل ئیرانێ، ژ مێژەیە وەکی یەکەم جیهێ خوەپاراستنا گەلەک ئیرانیا دهێتە زانین. گەلەک ئیرانی کو ژ بەر سەدەمێن سیاسی ژ رەژیما ئیرانێ درەڤن ژ دەرڤەیی سنۆری ب رێیێن نە یاسایی دەرباسی ترکیێ دبن و پشترا ئەو ژ ڤی وەلاتی کۆچ دکەن وەلاتێن ئەورۆپی یان دەولەتێن یەکبوویی یان کانادا.

پوستێن ھەمان بەش