ل پارێزگەھا رھایێ یا باکورێ کوردستانێ، خوەپێشاندان، مەش، گرەڤێن برچیبوونێ، ڤەدانا چادر و چالاکیێن وه‌ھا، ھەتا 30 رۆژان ھاتن قەدەغەکرن.
پارێزگارییا رھایێ ب داخویانیەکێ دیار کر، ژ 27ێ چلەیا 2021ێ ھەتا 25ێ شوباتێ، ل سنۆرێ پارێزگەھا رھایێ، باژارۆک و ناڤچەیێن وێ خوەپێشاندان، مەش، گرەڤێن برچیبوونێ، ڤەدانا چادر و چالاکیێن وه‌ھا، ھەتا 30 رۆژان قەدەغە نە.
د داخویانیێ دا ھاتییە دەست نیشان کرن، بۆ پاراستنا پرەنسیبێن سەرەکی یێن کۆمارێ، یەکپارچەییا دەولەت و نەتەوە، بنپێنەکرنا ماف و ئازادیایێن دی، رێگرتن ل تاوان، پاراستنا ماف و ئازادیێن خەلکێ بریارا قەدەغەکرنا خوەپێشاندان، مەش و چالاکیێن وه‌ھا ھاتیە دایین.
ھەروھا د داخویانیێ دا ھاتییە ئەشکەرە کرن، تەنێ ئەو چالاکی دکارن وەختا قەیمەقامێن سنۆرێ پارێزگەھا رھایێ دەستوورێ بده‌ن بێن کرن.
