وەزارەتا ئەولەکارییا ناڤخوەیی یا ئه‌مەریکایێ راگه‌ھاند، ژ بەر كو ھنده‌ك وەلاتی ژ ئەنجامێن ھه‌لبژارتنێن 3ی مژدارێ نە رازینە، ریسکا پێكهاتنا چالاکیێن تەرۆری ل وه‌لات زێدە بوویە.
ل گۆر داخویانییا وەزارەتا ئەولەکارییا ناڤخوەیی، ئاگاھییێن بەردەست دیار دکه‌ن کو ھنده‌ك ئالیگرێن توندرێ كو گوھەرینا سه‌رۆكاتیێ قەبوول ناکه‌ن، شیان هه‌نه بۆ چالاکیێن توند دەست ب تەڤبگەران بکه‌ن.
ئەو داخویانی ناده‌ته زانین کو چ پیلانا تەرۆری ھەیە یان نە، لێ چاڤەرێ یە کو ئەو گەفا ل ئه‌مەریکا نها دهێته ژیان كرن، چەند حه‌فتییان به‌رده‌وام بیت.
وەزاراتا ئەولەکارییا ناڤخوەیی دیار کر کو ئالیگرێن توندرێ دشێن ژبەر سنۆردارکرنێن سەر ڤیروسا کۆرۆنا و ھێزا پۆلیسان ژی چالاکییان بكه‌ن، زێده‌باری دژبەرییا ل سه‌ر کۆچبەران ژی كو ئه‌ڤ ئه‌گه‌ره‌كه كو كۆچبه‌ر ته‌ڤلی وان چالاكیێن ته‌رۆری ببن.
تێ زانین ئالیگرێن سەرۆکێ بەرێ دۆنالد ترامپ د 6ێ ڤێ مه‌هێ دا دا ئێریش بربوون سەر کۆنگرێسێ و د بویەرێن توندوتیژیێ دا 5 کەسان جان دابوو و مەراسیما سووندێ یا سەرۆک جۆ بایدن ژی ب تەدبیرێن بەرفرەھ هاتبوون برێڤه‌برن.
