سەرۆکێ ئەنجوومەنا نشتیمانییا کوردی ل سووریێ، تەکەز کر کو ڤەگەرا ھێزێن پێشمەرگەیێن لەشکەرێ رۆژ، نە تەنێ داخوازا وانە، لێ بەلێ ھەر کوردەک داخواز دکەت کو لەشکەرێ رۆژ ڤەگەرن و بەرەڤانییا خاکا خوە بکه‌ن.
سعوود ئەلمەلا، سەرۆکێ ئەنجوومەنا نشتیمانییا کوردی ل سووریێ ئەنه‌که‌سێ، ھەروه‌ھا سەکرەتەرێ پارتییا دەمۆكراتا کوردستان- سووریا، په‌دكه-سێ راگھاند، ژ رۆژا دانوستاندن دەست پێ کرنە، تا نھا ئەو تەکەز دکه‌ن کو د ڤێت مژار ب گشتی ب ھەڤرە وەرنە چارەسەر کرن، د ناڤ وان مژاران دا، مژارا لەشکەری ژی ھەیە.
ئەلمەلا دا زانین، داخوازا ڤەگەرا ھێزێن پێشمەرگەیێن لەشکەرێ رۆژ، بۆ خاکا رۆژئاڤایێ کوردستانێ، نە ب تەنێ داخوازا ئه‌نه‌كه‌سێ یه، لێ بەلێ داخوازا ھەموو کوردانە.
دەربارێ دەستپێکرنا دانوستاندنێن کوردی – کوردی ناڤبەرا ئه‌نه‌كه‌سێ و په‌یه‌نه‌كێ دا، سعوود مەلا ئانی زمان کو ئه‌و ل بەندا سەرپرشتیارێ ئەمەریکایێ نە.
