ل باژارێ حه‌سه‌كێ یێ رۆژئاڤایێ کوردستانێ ئالۆزی د ناڤبەرا ھێزێن ئاساییشێ و ھێزێن بەرەڤانيیا نشتمانییا سەر ب رژێما سووریێ ڤە دەرکەتییە و تێ گۆتن کو کەسەک ژی ھاتییە کوشتن.
ل گۆر نه‌رینگه‌ها سووری یا مافێن مرۆڤان، ئیرۆ رۆژا یه‌كشه‌مبی 31/1/2021ێ ل باژارێ حه‌سه‌كێ ھەژمارەک ژ ئالیگرێن رژێما سووریێ ل دژی رێڤەبەرییا خوەسەر دەرکەتن خوەپێشاندانێ، پشترە ئالۆزی د ناڤبەرا ئەندامێن ھێزێن بەرەڤانییا نشتمانییا سەر ب رژێما سووریێ ڤە و ئەندامێن ئاساییشێ دا دەرکەت.
ژ ئالیێ خوە ڤە، رەوانگەھا سووریا یا مافێن مرۆڤان دیار کر، د ئەنجاما ئالۆزیێ دا گوللـە ھاتن بەردان و دەنگێ تەقەیان ھات بھیستن و د ئەنجامێ دا کەسەک ھاتە کوشتن و 3 کەس بریندار بوون.
ل گۆر زانیارییان، ژ بەر کو ھێزێن رژێما سووریێ ھەرێما شەھبایێ و تاخێن کوردان ل حئەلەبێ ئێخستنە دۆرپێچێ و رێ نادەن خوارن و سۆتەمەنی دەرباسی وان دەڤەران ببیت، ئەڤه زێدەتر ژ 20 رۆژانە ژی ھێزێن ئاساییشێ چارگۆشەیا ئەولەھیێ «ھەرێمێن رژێما سووریێ» ل ناڤا باژارێ قامشلۆ و حه‌سه‌كێ ئێخستنە دۆرپێچێ و فشارێ ل رژێما سووریێ دکەن ژ بۆ دۆرپێچا ل سەر ھەرێما شەھبا و تاخێن کوردان ل حەلەبێ ڤەکەت.
