پارتییا ئازادییا كوردستانێ د پهیامهكێ ده، كۆمكوژییا ل ههولێرێ یا 1ێ شوباتا سالا 2004ان كو ژ هێلا ئهنسارولئیسلام ڤه پێكهات بوو و پێتری 100 كهسان تێده شههید كهتن كو پرانی ژێ كادرۆیێن بهرز یێن پهدهكێ و یهنهكێ بوون، روورهش كر.
پەیاما پاکێ وھایە:
ئەم کۆمکوژییا ل ھەولێرێ یا ١ێ شوباتا ٢٠٠٤ێ روورەش دکهین
د 1ێ شوباتا 2004ێ دا ل ھەولێرێ د دەما پیرۆزباھییا جەژنێ دا ژ هێلا ئەنسار ئەل ئیسلام ڤە هێرش پێکھات و د ئەنجاما هێرشێ دا زێدەتری 100 کەسان ژیانا خوە ژ دەست دان و 200 کەسێن دن ژی بریندار بووبوون.
رۆژا 1ێ شوباتێ ل ھەولێرێ د ئەنجاما هێرشێن ل سەر ئاڤاھیێن پهدهكێ و یهنهكێ دا، بەرپرسێن بلند یێن ھەردوو پارتییان ژیانا خوە ژ دەست دان و بریندار ببوون.
هێرش د دەما پیرۆزباھیێن جەژنێ دا ھاتیبوو کرن و د ناڤا کەسێن كو شەھید کەتین ئەندامێن پۆلیتبیرۆیا پهدهكێ سامی عهبدولرهحمان و سەید عهبدوللا، ئەندامێ کۆمیتەیا ناڤەندییا پهدهكێ، شەوکەت شێخ یەزدین، پارێزگارێ ھەولێرێ ئەکرەم مانتق و ئالیکاری وی و د ھەمان دەمێ دا سەرۆکێ یەکتییا نڤیسکارێن کوردستانێ یێ شاخا ھەولێرێ مەھدی خۆشناو، قەیمەقامێ ناڤەندا ھەولێرێ ئەحمەد رۆژبەیانی، برێڤهبهرێ پۆلیسێن ھەولێرێ عهمید نەریمان و بەرپرسێ یهنهكێ یێ ھەولێرێ شاخەوان ئاباد و گەلەک بەرپرسێن یهنهكێ شههید كهتن.
ئەم د 17مین سالڤەگەرا کۆمکوژییا 1ێ شوباتێ دا، قاتل و پشتگرێن ڤێ کۆمکوژیێ روورەش دکهین، شەھیدێن ڤێ هێرشێ و ھەموو شەھیدێن کوردستانێ ب رێزداری ببیر تینن.