باله‌فرێن جه‌نگێ یێن ده‌وله‌تا تركیێ ئیرۆ لڤ و ته‌ڤگه‌رێن چه‌كدارێن رێخستنا په‌كه‌كێ ل گونده‌كێ سنۆرێ ناڤچه‌یا پشده‌ر یا باشوورێ كوردستانێ هه‌ده‌ف كر، زیانێن مه‌زن ب گوند كه‌تنه.
كه‌نالێ كوردستان 24 ئیرۆ رۆژا سێشه‌مبی 2/2/2021ێ به‌لاڤ كر، ب ئه‌گه‌را لڤ و ته‌ڤگه‌رێن چه‌كدارێن رێخستنا په‌كه‌كێ، باله‌فرێن جه‌نگێ یێن ده‌وله‌تا تركیێ گوندێ ب ناڤێ شێنێ یێن گرێدای قه‌زا پشده‌ر سه‌ر ب پارێزگه‌ها سلێمانیێ ڤه هه‌ده‌ف كر، بۆردۆمانێ زیانێن مه‌زن گه‌هاندن گوندێ ناڤبووری.
ده‌ست نیشان كر، ئێریش ل ده‌مژمێر 11:00 به‌ری نیڤرۆژێ پێكهاتییه و ل گۆری داخویانییا به‌كر وه‌یسی برێڤه‌برێ ناڤچه‌یا هه‌لشۆ كو ژ بۆ كوردستان 24ێ داییه، باله‌فران 3 جاران گوندێ شێنێ هه‌ده‌ف كرییه.
به‌كر وه‌یسی دبێژه: ئه‌وان هایداری ل ده‌ربارا زیانێن جانی یێن ڤێ هێرشێ ب ده‌ست نه‌ئێخستنه، لێ به‌لێ زیان ب مالێن خه‌لكێ گوندی كه‌تنه.
رێخستنا په‌كه‌كێ ژ هێرشا خزیرانا سالا رابووری یا ده‌وله‌تا تركیێ ل سه‌ر باشوورێ كوردستانێ، لڤ و ته‌ڤگه‌رێن چه‌كدارێن خوه ئێخستنه ناڤا گوند و دۆربه‌را باژێران، په‌كه‌كه ڤێ یه‌كێ ب ئه‌نقه‌ست دكه‌ت ژ بۆ كو ئه‌ڤ گوند و باژارۆك بهێنه هه‌ده‌ف كرن و ببن مه‌یدانا شه‌ر.
