ھەڤسەرۆکێن پارتییا دەمۆکراتیک یا گەلان هه‌ده‌پێ، پەروین بۆلدان و میتھات سانجار، ب سەرۆکێ پارلمه‌نا ترکیێ مسته‌فا شەنتۆپ را کۆم بوون، بریارا دادگه‌ها مافێن مرۆڤان یا ئه‌ورۆپایێ ل ده‌ربارا ده‌میرتاش یێك ژ مه‌له‌فێن نیقاشێ بوو.
سانجار پشتی ھەڤدیتنێ گۆت: «هندی کو سیاسەتا دەمۆکراتیک زندی بیت، ھێڤییێن چارەسەرکرنا کێشەیان ژی زندی دمینن»، هه‌روه‌ها ئه‌شكه‌ره كر وان خوەست پارلمه‌نا تركیێ رۆلەکێ زێدەتر د چاره‌سه‌ركرنا پرسگرێكان دا بگێریت.
ل ده‌ربارا هه‌ڤسه‌رۆكێ به‌رێ یێ هه‌ده‌پێ سه‌لاحه‌ددین ده‌میرتاش، سانجار گۆت: «دادگەھا مافێن مرۆڤان یا ئەورۆپی بۆ ھەڤسەرۆکێ بەرێ یێ هه‌ده‌پێ دەمیرتاش بریارا بەردانێ دایە و دا زانین کو وان ژ شەنتۆپ را گۆتییە ئەو ل بەندێ نە کو کێشەیێن ووسا بهێنه چاره‌سه‌ر كرن».
سانجار گرێدای مژارا بریارا دادگه‌ها ئه‌ورۆپایێ ژ سه‌رۆكێ پارلمه‌نێ ره زه‌لال نه‌كر كو پێویسته ئه‌ڤ بریارا وه‌ره جی جی كرن و ده‌میرتاش سه‌ربه‌ست وه‌ره به‌ردان و ته‌نێ ژێره گۆت: «ئه‌م ل به‌ندێ نه كێشه‌یێن ووسا وه‌رن چاره‌سه‌ر كرن»!.
