ئیرۆ رۆژا سێشەمبێ مەدیایا ئیراقێ رەخنە ل حکوومەتا دەمکی یا بەغدایێ و وەزارەتا داد یا ئیراقێ گرت ژبەرکو بۆ گەندەلکارێن ڤێ دەما داویێ ھاتیە زیندانیکرن زیندانەکا 5 ستێر دابین کریە.
مەدیایا ئیراقێ بەلاڤ کریە، بەرپرسەکێ وەزارەتا داد ئاشکەرا کریە کو ھەریەک ژ رێڤەبەرێن خانەنشینیا ئیراقێ و رێڤەبەرێ کۆمپانیایا کی کارد کو د ڤان دەمێن داویێ دا ب تۆھمەتا گەندەلیێ ھاتینە زیندانیکرن ل ھۆلەکا تایبەت دمینن و وەکو ھۆتێلەکێ یە و ھەر پێویستیەکا ژیانێ تێدا ھەیە.
ھەروھا بەرپرسێ وەزارەتا دادێ ژ بۆ مەدیایا وەلاتێ خوە راگھاندیە کو ئەڤ خزمەتگوزاریێن تایبەت ژ بۆ بەرپرسێن گەندەل ھاتینە دابینکرن ل سەر داخوازا وەزیرێ دادێ پێک ھاتیە.
ھەروھا وی بەرپرسێ ئیراقێ ئاشکەرا کریە ئەو ھەردوو بەرپرسێن د ناڤا زیندانێ دا ب ئاوایەکێ بەردەوام پێشوازیێ ل مێڤانێن خوەیێن تایبەت دکەن و ب تایبەتی لگەل بەرپرسێن دەولەتێ دجڤن.
دادگەھەکا بەغدایێ بریارا 6 سال زیندانیکرنێ ژ بۆ رێڤەبەری بەرێ یێ دەستەیا خانەنشینییا ئیراقێ ئەحمەد حوسێن و رێڤەبەرێ کۆمپانیا کی کارد عەبدول حوسێن ژی 4 سال زیندان بری.
