ھەڤسەرۆکێ بەرێ یێ ههدهپێ سەلاحەددین دەمیرتاش، ئیرۆ ل ستەنبۆلێ تێ دادگههـ كرن و ھەژمارەکا مەزن ژ ئەندام و رایەدارێن ههدهپێ ل پێش دادگەھێ کۆم بوونە.
ئیرۆ رۆژا چارشهمی 3/2/2021ێ دادگەھا سهلاحهددین دەمیرتاش ل باژارێ ستهنبۆلێ برێڤە دچیت و ب تۆمەتا سڤککرنا ب وەزیرێ ترکیێ یێ بەرێ ئهحمهد داوودئۆغلو، ھەژمارەکا مەزن ژ ئەندام و رایەدارێن ههدهپێ ل پێش دادگەھێ کۆم بووینە.
دەمیرتاش بهری 5 سالان د زیندانێ دا وەک دیل ھاتییە گرتن، ههدهپه دبێژیت: سەلاحەددین دەمیرتاش و ھەڤالێن مه یێن دی ژ بەر کو ل ھەمبەر ئاكهپێ و مهههپێ تێکۆشین مەشاندنە، ھاتنە گرتن، دادگاھا مافێن مرۆڤان یا ئەورۆپایێ ژی ئەڤ یەک قەبوول نهكرییه و داخواز ژ تركیێ كرییه وهره ئازاد كرن.
سهلاحهددین دەمیرتاش د 4ێ مژدارا 2016ێ دا ل گەل ھەڤسەرۆکا ههدهپێ فیگەن یۆکسەکداغ و 9 پهرلهمانتارێن دی، ب جینایهتا “ئەندامبوونا رێخستنەکا تەرۆرێ” ھاتبوو بنچاڤکرن و پشترە بۆ گرتیگەھا ئەدیرنەیێ ھاتبوو شاندن.
دادگەھا مافێن مرۆڤان یا ئەورۆپایێ ئاشکەرە کربوو، زندانیکرنا سهلاحهددین دەمیرتاش ل دژی 5 مادەیێن پەیمانا مافێن مرۆڤان یا ئەورۆپایێ یە و دڤێت دەمرتاش دەملدەست وەرە بەردان، لێ بهلێ ئاردۆگان ئهڤ یێك رهد كر و گۆت كو ئهو ب چ ئاوایی گوهـ نادهن بریارا دادگهها ئهورۆپایێ.