فه‌رمانداره‌كێ رێخستنا په‌كه‌كێ كو د لیستا ره‌نگ سۆر یا ده‌وله‌تا تركیێ دا لێگه‌رین ژ بۆی دهات كرن، د ئێریشه‌كێ دا هاتە ئارمانج كرن.
ل گۆر ئاگاهیێن د ده‌ستێ مه دا، ئارته‌شا تركیێ فه‌رمانداره‌كێ په‌كه‌كێ ب ناڤێ به‌د‌ەردین به‌درخان ب كۆد ناڤێ ئیبراهیم شه‌نگول، ل خه‌تایێ ئارمانج كرییه و ئەو کوشتیە.
ناڤبووری د لیستا ره‌نگ سۆر یا ده‌وله‌تا تركیێ دا لێگه‌رین ژ بۆی دهات كرن و ئیرۆ وه‌زاره‌تا كارێن ناڤخوه یا تركیێ هه‌ده‌ف كرنا وی ئیلان كر.
ل گۆر ئاگاهیێن پێگه‌ها داركا مازی، به‌دره‌دین به‌درخان ل سالا 1995ێ ل نێزی گوندێ ره‌شاڤه یێ ده‌ڤه‌را نهێلێ گرێدای قه‌زا ئامێدیێ ل باشوورێ كوردستانێ په‌روه‌رده‌یا له‌شكری و رێخستنێ دیتییه، هه‌موه‌خت ل گه‌له‌ك ناڤچه‌یێن باكور و باشوورێ وه‌لات ئه‌ركێن رێخستنێ وه‌رگرتنه.
ئه‌ڤ فه‌رماندارێ په‌كه‌كێ ب نه‌ژاد تركه و ژ چه‌پێن تركانه و ل سالێن نۆتان ته‌ڤلی رێزێن په‌كه‌كێ بوویه.
