چه‌تیێن گرێدایێ تركیێ ل سه‌ر ده‌ستدرێژییا ل سه‌ر مال و مولكێ گه‌لێ عه‌فرینێ به‌رده‌وامن و ئه‌ڤ چه‌ند رۆژن خانی و عه‌ردێ چاندنێ یێ وه‌لاتیێن ڤێ هه‌رێما رۆژئاڤایێ كوردستانێ ژ وان دستینن، هه‌ژماره‌كه زێده یا خانیێن كوردان ب چه‌ته‌یێن كو ژ لیبیایێ ڤه‌گه‌ریایین، دهێنه دان.
ل گۆر ئاگاهیێن ده‌ستێ مه، چەکدارەکی ژ كۆما لیوا موعتەسم، 2 شقەیێن وه‌لاتییه‌كێ کورد ب ناڤێ محەمەد کالۆ ژ گوندێ کەفەرزیتێ یێ ناڤچەیا جندرێسێ ب 2000$ فرۆشتن کو ھەردوو شقە دكه‌ڤنه سه‌ر رێبه‌ندا خواندنگه‌ها مەیسەلۆن یا ل تاخا ئەشرەفیێ.
ھەر وھا ھەمان چەکداری بەری کو ژ عەفرینێ دەرکەڤیت و بەرێ خوە بدەته ترکیێ، مالا وه‌لاتییه‌كی ب ناڤێ رزگار مەحموود ل نێزی خواندنگه‌ها مەیسەلۆن ب 1300$ فرۆشتییه.
هه‌روه‌ها ئاگاهی ددن خوه‌یا كرن كو چەکدارەکی ژ كۆما لیوا سەمەرقەند، مالا وه‌لاتییه‌كی ب ناڤێ محەمەد عەلۆ ل گوندێ ئاڤرازێ ل تاخا مەحموودیێ ل باكورێ باژارێ عەفرینێ ب 800$ فرۆشتییه، ئه‌ڤ چەکدار ژ پارێزگەھا حەمایێ یه، وی مالەکا دی یا وه‌لاتییه‌كێ کورد ب ناڤێ شێخمووس محەمەد ب 1000$ فرۆشت.
کۆما ب ناڤێ ئەبۆ زاھی یا سه‌ر ب جەبھا ئەل-شامیێ ژی، 6 شقە ل تاخا ئەشرەفیێ فرۆشتن. ھەر شقەیەک ب 450$ دۆلاران، ل ده‌مه‌كی چه‌ته‌یێن مەجد ئەل-ئیسلام ژی گەلەک ئه‌رد ز خانیێن كوردان ل دۆرھێلا نەخوەشخانەیا دێرسم فرۆشتنه.
چه‌ته‌یێن ریجال ئەل-ھەرب ژی گەلەک مال ل تاخا ئەشرەفیێ کو د بن کۆنترۆلا وان دایە فرۆتن و داینه چەتەیێن خوە یێن كو ژ لیبیایێ ڤه‌گه‌رین.
