ل ئیراقێ 12 ملیۆن کەس د بن رێژەیا ھەژاریێ دانە 

ل ئیراقێ 12 ملیۆن کەس د بن رێژەیا ھەژاریێ دانە 

کورتەڤیدیۆیەکا کو د تۆرێن مەدیایا جڤاکی یا ل ئیراقێ دا بەلاڤ بوو روویێ ھەژاریێ ل ئیراقێ دیار دکەت. د وێ ڤیدیۆیێ دا ژنەک ل سەر زبلخانەیان ل خوارنێ دگەریت.

ھەرچەند ئیراق ل سەر دەریایا نەفتێ یە و ژ لایێ نەفتێ ڤە یەک ژ دەولەمەندترین وەلاتێ جھانێ ژی یە ژ بەر گەندەلی  و قەیرانێن ناڤخوە و بەرپرسێن گەندەل و ئیدار و نەبوونا پلانەکا ئابۆری و بە ھەدەردانا چاڤکانیێن دارایی، ئیراق بەر ب قەیرانێن مەزن و رووخانێ ڤە دچیت.

پسپۆرێ ئابۆری یێ ئیراقێ مەحموود داغر ئاشکەرا کربوو ژ بەر بەلاڤبوونا کۆرۆنایێ و بھابوونا بھایێ دۆلاری بەرامبەر دینارێ ئیراقێ 12 ملیۆن کەس ل ئیراقێ ل ژێر هێلا ھەژاریێ دا نە و ژیانا خەلکێ ھەژار گەلەک ب زەحمەت بوویە.

مەحموود داغر دایە زانین بەریا ھاتنا کۆرۆنایێ ل ئیراقێ رێژەیا ھەژاریێ 8 ملیۆن کەس بوو و ژ بەر داکەتنا نرخێ دینارێ ئیراقێ بەرامبەر دۆلاری نھا رێژەیا ھەژاریێ ل ئیراقێ بوویە 12 ملیۆن کەس.

پوستێن ھەمان بەش