ملیسێن ئیسلامی یێن گرێدای ترکیێ و ئیخوان موسلمین ل گوندێ کەفەرسەفرێ و دوراقلیا، 7 وه‌لاتیێن کورد د چارچۆڤەیا سیاسەتا تەنگاڤ کرن و کۆچبەرکرنێ دا بن چاڤ کرن.
د ڤێ دەربارێ دا پێگه‌ها عه‌فرین پۆست به‌لاڤ كر کو چەکدارێن ملیسێن «سەمەرقەند»، رۆژا ئینێ 5ێ شوباتێ 2021ێ ب سەر گوندێ کەفەرسەفرێ یێ ناڤچەیا جندرێسێ دا گرت و 5 وه‌لاتی بن چاڤ کرن کو ناسنامەیێن وان ھێژ نە خویا نە.
ناڤێن وه‌لاتیێن کو ھاتنە بن چاڤ کرن ئه‌ڤه‌نه: ئەحمەد حەسەن مامەد، حەسەن حسێن، موراد سەیدۆ خەلۆ، عەبدو محەمەد مەجید، محەمەد خەلیل موراد
ئه‌ڤ کەسێن بن چاڤ کری، پتری جارەکێ ژ ئالیێ چەکدارێن ئیخوانی ڤە ھاتنە رەڤاندن کو ھەر جارێ ژی بەرامبەری بەردانا وان فدیەیێن پاره‌ی دستاندن.
ژ ئالیەکی دی ڤە چەکدارێن ژ «لیوا سقوور ئەل-شەمال» ل 4ێ شوباتێ 2021ێ ل گوندێ دوراقلیا یێ شەرایێ، وه‌لاتیێ کورد ب ناڤێ محەمەد محەمەد زیبۆ و کورێ وی عومەر زیبۆ ژ بەر کو فدیە نەدا، ب تاوانا پەیوەندییا ب رێڤەبەرییا خوەسەر هاتنه رەڤاندن.
