ل رۆژئاڤایێ کوردستانێ ھەڤدیتنێن قۆناغا سێیەمین یا ناڤبەرا پارتیێن PYNK و ENKS حەفتەیا پێشی مە ب ئامادەبوونا نوونەرێن ئهمەریکایێ دێ دەست پێ کهن.
ژ بەر ھهلبژارتنێن سەرۆکاتیێ یێن ئهمەریکایێ و ھندەک پرسێن ناڤخوەیی دانوستاندنێن یەکرێزیێ د ناڤبەرا پهیهنهکێ و ئەنهکهسێ دا ئەڤ دەمەکێ درێژ بوو راوەستیابوون.
ل رۆژێن رابووری ھەڤدیتنێن ژ بۆ ئامادەکارییا قۆناغا سێیەم ل گەل نوونەرێن ئهمەریکی ب ھەردوو ئالیێن ئهنهكهسێ و پهیهنهکێ را دەست پێ کربوون، لێ ب ئاوایەکی فەرمی ھاتییە راگهھاندن کو حەفتەیا بهێت جڤینێن ھەردوو ئالییان ب گارانتییا ئهمەریکایێ دێ دەست پێ كهن.
ل گۆری ھندەک چاڤکانیێن ژ رۆژئاڤایێ کوردستانێ، پهیهدێ ژ بەر کو پهكهكه ناخوازە ھەڤدیتنێن یەکرێزیێ ب سەر بکەڤن نھا بێ دل تەڤدگەرە و ئهمەریکا ژی فشارێ ل ئالییان دکەت داکو گۆتوبێژێن ئهنهكهسێ و پهیهنهکێ بگهھن ئەنجامێ و رێکەفتن بهێته کرن.
قۆناخا سێیەم یا دانوستاندنان مژارێن گەلەکێن گرینگ ل خوە دگرن کو یەک ژ وان بەشداربوونا ئهنهكهسێ یه د ناڤ رێڤەبەرییا رۆژئاڤا دا و ههروهها ڤەگەرا پێشمەرگەیێن رۆژه بۆ رۆژئاڤایێ کوردستانێ.
