ژ شەڤا بۆری ڤە، سوپایێ ترکیێ و کۆمێن چەکدارێن ئۆپۆزسیۆنا سووریێ، گوندەوارێن سەر ب باژارۆکێ تل تەمرێ یێ رۆژئاڤایێ کوردستانێ، تۆپباران دکه‌ن.
ل گۆر چاڤکانیێن خوەجھی، ھێزێن ترکیێ و کۆمێن چەکدار، ب تۆپخانەیا گران چەند گوندێن باکورێ تل تەمرێ تۆپباران کرن، چەکدارێن کۆمێن ئۆپۆزسیۆنا سووریێ یێن گرێدایی ترکیێ ژی، بەشداری د تۆپبارانکرنا گوندەوارێن ناڤچەیێ دا کرن.
ئه‌شكه‌ره كر، سوپایێ ترکیێ و چەکدارێن سەر ب وێ ڤە، ژ رۆژا ئێكشه‌مبێ 7ێ شوباتێ ژ گوندێ قاسمیێ یێ تل تەمرێ ڤە هێرشی گوندێ ئوم ئەل-کێف ل باکورێ تل تەمرێ کرینە.
ھەمان چاڤکانیێ ئەشکەرە کرییە، شەرڤانێن ئه‌نجوومه‌نا لەشکەرییا تل تەمرێ، بەرسڤ دانە و هێرش تێک برینە و ھەژمارەک ژ وان کوشتینە و بریندار کرنە، لێ ئاماژە ب چ ھەژماران نەھاتییە کرن.
ھەڤدەم ل گەل وێ یەکێ، سوپایێ ترکیێ و چەکدارێن وێ گوندێن تەویلا، تل تەویل و تل گەرابیت یێن گرێدایی ناڤچەیا تل تەمرێ تۆپباران کرینە.
ھەتا نھا چ زانیاری دەربارێ زەرار و زیانێن تۆپبارانا ل سەر وان گوندان دا نەھاتنە زانین.
ھێزێن ترکیێ و کۆمێن چەکدارێن ئۆپۆزسیۆنا سووریێ، جار ب جار گوندێن ل سەر خێزێن رووبروونێ ل گەل ھێزێن ھه‌سه‌دێ ل ناڤچەیێ تۆپباران دکه‌ن.
