یه‌په‌گێ كور وێ ره‌ڤاند و گه‌فان ل داییكێ ژی دكه‌ن
چه‌كدارێن یه‌كینه‌یێن پاراستنا گه‌ل بالێ له‌شكری یێ پارتییا یه‌كێتییا ده‌مۆكراتیك، زارۆكه‌كێ كۆبانیێ ره‌ڤاندییه و چاره‌نڤیسا وی نه‌دیاره، دایكا وی په‌یامه‌ك ڤیدیۆیی پارڤه‌كرییه و تێده بانگ ل په‌یه‌دێ دكه زارۆكێ وێ ئازاد بكه‌ن.
ل گۆری ئاگاهیێ ده‌ستێ مه، ل رۆژێن رابووری چه‌كدارێن یه‌په‌گێ زارۆكه‌كێ كورد یێ ب ناڤێ «عه‌دنان محه‌مه‌د ره‌مێ» ژ باژارێ كۆبانیێ یێ رۆژئاڤا كوردستانێ ره‌ڤاندییه و ب دارێ زۆرێ كێشی ناڤ رێزێ یه‌په‌گێ كرییه.
پاش ره‌ڤاندنا ڤی زارۆكی، دایكا محه‌مه‌د د ڤیدیۆیه‌كێ دا ده‌ركه‌تییه و بانگ ل یه‌په‌گێ دكه‌ت زارۆكێ وێ ئازاد بكه‌ن.
دایكا محه‌مه‌د دبێژه: «كورێ من ته‌مه‌ن 15 سالی یه، ئه‌و ل به‌ربانگێ ره‌ڤاندن، هه‌ڤرێیه‌كێ كورێ من ل وێرێ بوو ده‌ما هاتییه ره‌ڤاندن، وان ژێرا گۆت هه‌گه‌ر تو ب ئاخڤی ئه‌مێ ته به‌رزه بكه‌ین و بلا ته ئاگه‌هـ ژ خوه هه‌بیت».
دایكا محه‌مه‌د هه‌روه‌ها گۆتنا خوه وه‌ها ده‌وام كر، «وه‌ختا كو ئه‌م چوونه ناڤه‌ندێ و مه پرسا كورێ خوه كری، وان ژ مه‌را گۆت چ تشته‌كێ وه ل ڤێرێ نینه و ژ ڤێرێ هه‌رن».
