یه‌كینه‌یێن ب ناڤێ سه‌ید شوهه‌دا پیلانێن خوه‌ ژ بۆ هه‌لبژارتنێن داهاتی یێن په‌رله‌مانا ئیراقێ ده‌ست پێ كرنه‌، ئه‌و ب ناڤ مووسلێ كه‌تییه‌ و سۆزا دامه‌زراندنێ د رێزێن میلیشیا حه‌شدا شه‌عبی دا ب وه‌لاتییان دده‌ت، ل همبه‌ر دانا ده‌نگێ وان، رێخستنا په‌كه‌كێ ژی ته‌علیمات وه‌رگرتینه‌ و ده‌ست ب هه‌مان پیلانێ ل شنگالێ كرییه‌.

چاڤكانیێن پێگه‌ها داركا مازی ل باشوورێ كوردستانێ ئه‌شه‌كه‌ره‌ كر، جێگرێ به‌رپرسیارێ ئۆفیسا یه‌كینه‌یێن سه‌ید شوهه‌دا یا گرێدای حه‌شدا شه‌عبی، فارس خزه‌یر كو ب ئه‌بو زه‌هرا تێ ناس كرن، خه‌باتێن خوه‌ ژ بۆ هه‌لبژارتنێن داهاتی یێن په‌رله‌مانا ئیراقێ ل مووسلێ ده‌ست پێ كرنه‌.

دێ ب ناڤێ لیستا مونته‌سیروون ته‌ڤلی هه‌لبژارتنێ بن

ل گۆری ئاگاهیێن ده‌ستێ مه‌، یه‌كینه‌یێن سه‌ید شوهه‌دا دێ ب ناڤێ لیستا مونته‌سیروون ته‌ڤلی هه‌لبژارتنێ بن.

چاڤكانیێن پێگه‌ها مه‌ ئه‌شكه‌ره‌ كر، ئه‌بو زه‌هرا كۆمبوونه‌ك د گه‌ل كادرۆیێن پێشكه‌تی یێن ئۆفیسا یه‌كینه‌یێن سه‌ید شوهه‌دا ل مووسلێ چێكرییه‌ و د وێ كۆمبوونێ دا‌ ئه‌ڤ بریار هاتنه‌ دان:

ل همبه‌ر دانا ده‌نگی، فۆرمێن دامه‌زراندنێ د حه‌شدا شه‌عبی دا ل سه‌ر خه‌لكێ مووسلێ به‌لاڤ كرینه‌

چاڤكانیێن پێگه‌ها داركا مازی ئه‌شكه‌ره‌ كر، ئه‌بو زه‌هرا فۆرمه‌ك چێكرییه‌ و ژ نها ل سه‌ر خه‌لكێ مووسلێ دهێته‌ پارڤه‌ كرن كو د وێ فۆرمێ ده‌ سۆزا دامه‌زراندنێ د ناڤا رێزێن میلیشیا حه‌شدا شه‌عبی دا ب خه‌لكێ مووسلێ ل همبه‌ر ده‌نگدانا وان ژ بۆ لیستا مونته‌سیروون هاتییه‌ دان.

حه‌شدا شه‌عبی ئه‌ڤ هه‌نگاڤێن خوه‌ ب ته‌علیماتێن راسته‌ راست یێن ئیرانێ ده‌ست پێ كرنه‌، ئامانج ژێ:

چ په‌یوه‌ندییا په‌كه‌كێ ب یه‌كینه‌یێن سه‌ید شوهه‌دا ڤه‌ هه‌یه‌

هه‌ر كه‌س دزانیت‌ په‌كه‌كه‌ ژ بۆ حه‌شدا شه‌عبی ل شنگالێ ته‌ڤ دگه‌ریت و ئه‌ڤ رێخستن دبیته‌ به‌شه‌كێ گرنگ ژ محوه‌ر مقاوه‌مه‌ یێ ئیرانێ، شنگال ژ بۆی ئیرانێ جهه‌كێ گه‌له‌ك ستراتیجی یه‌ و ب خه‌تا گرنگ یا ته‌مام كرنا هیلالا زێرین دهێته‌ حه‌ساب كرن، په‌كه‌كه‌ و حه‌شدا شه‌عبی ل وێرێ ب پارێزڤانێن ڤێ خه‌تێ دهێنه‌ حه‌ساب كرن و راسته‌ راست ب ته‌علیماتێن ئیرانێ ته‌ڤ دگه‌رن، ئه‌ڤ یێك ئیرانێ ئه‌شكه‌ره‌ گۆتییه‌ وه‌ختا كو رێككه‌فتنا شنگالێ یا نێڤبه‌را حكوومه‌تێن باشوورێ كوردستانێ و ئیراقێ هاتییه‌ چێكرن، كو گۆتبوو محوه‌رێ مقاوه‌مێ كه‌تییه‌ د خه‌ته‌رێ دا، مه‌به‌ستا ئیرانێ ژ ڤێ خه‌ته‌رێ ده‌ركه‌تنا په‌كه‌كێ و حه‌شدا شه‌عبی بوو ژ شنگالێ ژ بۆ كو چ ڤه‌قه‌تیان نه‌كه‌ڤه‌ هیلالا زێرین.

ل ده‌ربارا هه‌لبژارتنێن پێشی مه‌ یێن په‌رله‌مانا ئیراقێ ژی ل شنگالێ، په‌كه‌كه‌ و حه‌شدا شه‌عبی ژ نها دا‌ كه‌تینه‌ ناڤا هه‌ولێن مه‌زن دا ژ بۆ كو ڤێ هه‌لبژارتنێ د به‌رژه‌وه‌ندییا حه‌شدا شه‌عبی دا‌ بشكێنن و هه‌گه‌ر ره‌وش ووسا به‌رده‌وام بیت و په‌یمرێككه‌فتنا شنگالێ ب كریار نه‌هێته‌ جی ب جی كرن، خه‌ته‌ر هه‌یه‌ هه‌لبژارتن ل شنگالێ نه‌هێن ئه‌نجام دان.

 ل گۆر ئاگاهیێن تایبه‌ت یێن پێگه‌ها داركا مازی، یه‌كینه‌یێن سه‌ید شوهه‌دا ته‌علیماتێن نوو یێن ئیرانێ ژ بۆی په‌كه‌كێ شاندینه‌ و په‌كه‌كێ ژ هێلا خوه‌ ڤه‌ ته‌علیمات داینه‌ رێخستنێن خوه‌ كو ژ بۆی لیستا مونته‌سیروون كار بكه‌ن.

فه‌رماندارێ گشتی یێ یه‌كینه‌یێن سه‌ید شوهه‌دا: ئه‌م راسته‌ راست ب ویلایه‌ت فه‌قیهـ ڤه‌ گرێدایی نه‌

هێژای گۆتنێ یه‌، یه‌كینه‌یێن سه‌ید شوهه‌دا ب میلیشیایه‌كا شیعی یا ئیراقی دهێته‌ حه‌ساب كرن، ل سالا 2013ان هاتییه‌ ئاڤا كرن، ل ده‌ستپێكێ ئارمانجا وێ پاراستنا مه‌زارێن شیعه‌یان بوو، پشتره‌ بوو به‌شه‌كی گرنگ یێ حه‌شدا شه‌عبی، ئۆفیسێن خوه‌ ل ته‌ڤ پارێزگه‌هێن ئیراقێ هه‌نه‌، نها پشتگرییا رژێما به‌شار ئه‌سه‌د دكه‌ت و په‌یوه‌ندیێن بهێز ل گه‌ل رێخستنا به‌در یا حه‌شدا شه‌عبی هه‌نه،‌ ئه‌و ل پله‌یا ئێكێ ژ بۆ پاراستنا به‌رژه‌وه‌ندیێن ئیرانێ كار دكه‌ت، ئیران وان وه‌ك هێزا خوه‌ ل ناڤچه‌یێ دبینیت.

ئه‌بو ئالا ئه‌ل وه‌لائی فه‌رماندارێ گشتی یێ یه‌كینه‌یێن سه‌ید شوهه‌دایه‌ و ئه‌و دبێژیت‌: رێخستنا مه‌ راسته‌ راست ب ویلایه‌ت فه‌قیهـ ڤه‌ گرێدایی یه‌ و ئه‌م فه‌رمانێ ژ چ ئالیێن سیاسی یێن ئیراقێ ناستینین.

یه‌كینه‌یێن سه‌ید شوهه‌دا میلیشیا سه‌ره‌كی یه‌ د حه‌شدا شه‌عبی دا كو ده‌ست د هێرشێن سه‌ر به‌رژه‌وه‌ندیێن ئه‌مه‌ریكایێ دا‌ ل ئیراقێ هه‌یه‌، وه‌ك هێرشا سه‌ر بالیۆزخانه‌یا ئه‌مه‌ریكایێ ل به‌غدایێ