ل پارێزگەھا میسان یا ئیراقێ، گەنجەکێ د خەو دا بابێ خوە شەوتاند.
پۆلیسێ پارێزگەھا میسان یا ئیراقێ راگھاندیە، شەڤا بۆری گەنجەکێ د خەو دا ئاگر بەردا بابێ خوە و شەوتاند. ژ بەر وێ ژی ئەو گەنج ھاتیە گرتن.
پۆلیسا دایە زانین، بەریا وێ روودانێ باب و کور ژ ھەڤ عاجز بوونە. ژ بەر وێ ژی وی خۆرتی د خەو دا بەنزین ب سەر بابێ خوە دا کریە و ئاگر بەردایێ و شەوتاندیە. بابێ وی د وێ روودانێ دا گران بریندار بوویە و نھا ل نەخوەشخانێ ھاتیە رازاندن.
پارێزگەھا میسان دکەڤیتە باشوورێ رۆژھەلاتێ ئیراقێ و نێزیکی سنۆرێن ئیرانێ یە. ناڤەندا وێ ژی باژارێ عەمارەیە.
