سوپایێ تركیێ، ل شهڤا دهرباسبوویی قووناغا دوویهمین ژ ئۆپهراسیۆنا ب ناڤێ پهنجا باز-2 ل باشوورێ كوردستانێ، ل دژی رێخستنا پهكهكێ دهستپێكر و بهرێ سپێدێ چیایێ گاره ب دژواری بۆردۆمان كر.
سوپایێ تركیێ ئهڤ دهمهكه ئامادهكارییا قووناغا دوویهمین یا هێرشا سهر پهكهكێ ل باشوورێ وهلات دكهت، پاش كو ل خزیرانا سالا رابووری قووناغا یهك یا ڤێ ئۆپهراسیۆنا كو ناڤێ پهنجێن حهیوانان لێ كری ل حهفتهنینێ دایه مهشاندن.
ل گۆر ئاگاهیێن دهستێ مه، ئیرۆ سهرێ بهرێ سپێدێ 10/2/2021ێ، بالهفرێن جهنگ یێن دهولهتا تركیێ لڤ و تهڤگهرێن چهكدارێن پهكهكێ ل چیایێ گاره یێ باشوورێ وهلات ههدهف كرینه، هێرش ل سینۆرێ ناڤچهیێن چهمانكێ و دینارتێ ژی پێكهاتینه.
دڤێ دهربارێ دا، وهزارهتا بهرهڤانیێ یا تركیێ، داخویانییهك پارڤهكر و تێدا گۆتییه: ئۆپەراسیۆنا پەنجا باز – 2 ب ئارمانجا نههێلانا ھەبوونا چەکدارێن پهكهكێ ل ھەرێما گارەی پێک ھاتییە، ئۆپەراسیۆنێ دەست پێ کرییە و دێ یا بەردەوام بیت.
مهدیا پهكهكێ ژی راگھاندییە، ئیرۆ 10/2/2021ێ ل دهمژمێر3:00ێ بەری سپێدێ ڤە، سوپایێ ترکیێ ب بالەفرێن شەر و ھەلیکۆپتەران بۆمبەبارانەکا گران ل چیایێ گارەی كرییه و پشتی وێ ژی لەشکەر كهتییه د ھەرێمێ دا.
ھەروهھا ل گۆر ھەمان چاڤکانیێ، ئۆپەراسیۆن ل پیریسی، بەرێ گارە و سیانێ یێن چیایێ گارەی پێک دهێت و د ناڤبەرا گهریلایێن پهكهكێ و عهسكهرێن ترک دا، پەڤچوونێن دژوار ھەنە.
پهكهكێ جارهكا دی عهسكهرێ ترك كێشی باشوور كر
