ئۆپەراسیۆنا “پەنجە پلنگ 2 ” ل باشوورێ کوردستانێ بەردەوامە

ئۆپەراسیۆنا"پەنجە پلنگ 2" ل باشوورێ کوردستانێ بەردەوامە

د بەردەوامیا ئۆپەراسیۆنا ب ناڤێ پەنجە پلنگ 2 یا کو ترکیێ ل باشوورێ کوردستانێ ژ بۆی سەر چەکدارێن پەکەکێ راگەهاندی، ئیرۆ ژی ئۆپەراسیۆنێ بەردەوام کر و بالەفرێن ترکیێ پێگەهێن پەکەکێ هەدەف کرن.

چاڤکانیێن پێگەها دارکا مازی ل باشوورێ کوردستانێ دیار کرن، ئیرۆ رۆژا پێنجشەمی 11/2/2021ێ د ناڤبەرا ساعەت 5:37 حەتا 5:45ێ ئێڤاری بالەفرێن جەنگی یێن ترکیێ هەژمارەک پێگەهێن چەکدارێن پەکەکێ ل چیایێ گارە ئارمانج کرن .

چاڤکانیێن پێگەها دارکا مازی ئاشکەرا کرن، بالافرێن ترکیێ بارەگەهێن رێخستنا پەکەکێ یێن نێزیکی “ئاڤە گیسکێ” ل ئاقارێ گوندێ بیرکات و “سەرێ مەرانێ” ل ئاقارێ گوندێ مەرانێ یێ سەر ب ناحیا چەمانکێ ل دەڤەرا گارە بۆردۆمان کرن.

ئۆپەراسیۆنا ترکیێ یا ب ناڤێ “پەنجە پلنگ 2” ل رۆژا چارشەمبی ساعەت 2:55ێ سەرێ سبێ ل چیایێ گارە ل باشوورێ کوردستانێ دەستپێکر و حەتا نها بەردەوامە.

پوستێن ھەمان بەش