باله‌فرێن جه‌نگ یێن ده‌وله‌تا تركیێ ئیرۆ حه‌ره‌كه‌تا چه‌كدارێن په‌كه‌كێ ل ناڤچه‌یێن چیایی ل هنداڤا 4 گوندێن پارێزگه‌ها دهۆكێ هه‌ده‌ف كرن.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا ئینی 12/2/2021ێ، باله‌فرێن جه‌نگ یێن تركیێ 3 جاران ناڤچه‌یێن چه‌مانكێ و به‌رێ گاره بۆرۆدمان كرینه، پشتی كو ته‌عقیبا حه‌ره‌كه‌تا چه‌كدارێن په‌كه‌كێ كری.
ده‌ست نیشان كر، ئێڤارا ئیرۆ ل ده‌مژمێر 3:40ێ، باله‌فران چه‌كدارێن په‌كه‌كێ ل چیایێ خیرێ یێ هنداڤی گوندێ مه‌سه‌له‌كا ل ناڤچه‌یا چه‌مانكێ ل ده‌ڤه‌را به‌رێ گاره هه‌ده‌ف كر و یه‌ك رۆكێت ل چه‌كداران خستییه.
هه‌روه‌ها باله‌فران ل بنارا چیایێ گاره ل هنداڤی گوندێن سیانێ و ئه‌رگنێ ل ناڤچه‌یا چه‌مانكێ رۆكێته‌ك ل حه‌ره‌كه‌تا په‌كه‌كێ خستییه، هه‌روه‌ها ل هنداڤا گوندێ ئێكماله ژی.
ده‌وله‌تا تركیێ ل رۆژا چارشه‌مبی یا رابووری ده‌ست ب ئێریشا سه‌ر په‌كه‌كێ ل باشوورێ كوردستانێ كر و ناڤێ ئۆپه‌راسیۆنا په‌نجا باز-2 ل ڤێ ئێریشێ كر، په‌كه‌كه ئه‌ڤ ده‌مه‌كه پتر خوه نێزیكی گوندێن باشوورێ وه‌لات دكه‌ت و ئه‌ڤ یێك دبیته ئه‌گه‌را بۆرۆدمانا ڤان گوندان و خه‌لكێ باشوور پر ژ ڤێ هه‌نگاڤا په‌كه‌كێ عاجزه، ئه‌و دخوازن په‌كه‌كه ژ ناڤچه‌یێن وان دوور بكه‌ڤیت ژ بۆ كو گوندێن وان نه‌كه‌ڤن به‌ر ئێریشێن باله‌فران.
