فەرماندارێ ھێزێن پاراستنا ئێزیدخانێ حەیدەر شەشۆ داخویانی دا رووداوێ و تێدا راگەهاند، پەکەکێ و ئالیێن نێزیکی وێ رێکێ ژ بۆ ئەنجامدانا ئۆپەراسیۆنەکا ترکیێ ژ بۆ سەر شنگالێ خوەش دکەن.
ل ئالیێ دی حەیدەر شەشۆ راگھاند کو پرۆگراما حەشدا شەعبی ژی ئەوە کو شەر ل شنگالێ چێببیت و خەلکێ شنگالێ ژ باژارێ خوە دەرکەڤن.
حەیدەر شەشۆ گۆت ژی، تاکە چارەسەر ژ بۆ رەوشا شنگالێ بجیھکرنا رێکەفتنا ئاساییکرنا رەوشا شنگالێ یا دناڤبەرا ھەولێر و بەغدایێ دایە.
بەردەڤکێ سەرۆککۆماریا تورکیێ ئیبراھیم کالن ژی چەند رۆژا بەرێ د دەربارێ ئۆپەراسیۆنەکا ل سەر شنگالێ دا راگھاند کو رێکەفتنا شنگالێ گرینگە ژ بۆ نەھشتنا گەف و مەترسیان لێ ئیراق و ھەرێما کوردستانێ ژی دزانن کو رەوش ئالۆزە و نە ھێسانە و پێوستی ب کارکرنا ھەڤبەش ھەیە، ژ بەر کو ئەو ناڤچە کۆریدۆرا تیرۆرێ یە.
