ل زۆما ئەرگنێ یا چیایێ گارە شەر قەومی

بالەفرێن دەولەتا ترکیێ زۆما ئەرگنێ ل چیایێ گارە بۆمبەباران کر و پشت را شەر د نێڤبەرا چەکدارێن پەکەکێ و لەشکرێن ترکیێ دا دەرکەت.

چاڤکانیێن پێگەها دارکا مازی ل باشوورێ کوردستانێ راگهاند، ئیرۆ رۆژا شەمبی 13/2/2021ێ بالەفرێن جەنگی یێن دەولەتا ترکیێ ل دەمژمێر 5:55ێ ئێڤاری زۆما ئەرگنێ ل چیایێ گارە بۆ جارا چارەمین بۆردۆمان کر.

هەر وەها دا خوەیا کرن، بالەفرێن جەنگ یێن دەولەتا ترکیێ گوندێ سیانێ ل ناحیا چەمانکێ یێ کو دکەڤیتە بنارا چیایێ گارە هەدەف کریە و پشت را شەر د ناڤبەرا گەریلایێن پەکەکێ و لەشکەرێن ترکیێ دا دروست بوویە، لێ بەلێ هەیا نها هیچ زانیاریەک ل سەر زیانێن بۆردۆمانێ و شەری نەهاتینە زانین.

ئەڤ ئۆپەراسیۆنا ترکیێ کو ل ژێر ناڤێ “پەنجە پلنگ 2” ل رۆژا چارشەمبا رابووری ل چیایێ گارە دایە دەستپێکرن، هەیا نها بەردەوامە.