ژبەر ئالایێ کوردستانێ وەلاتییەکێ عەفرینێ هات ئەشکەنجەدان

ل گوندەکێ عەفرینێ یێ رۆژئاڤایێ کوردستانێ، وەلاتییەکی کورد راستی لێدان و ئەشکەنجەیێ ھات، و سەدەم ب تەنێ ئالایێ کوردستانێ د تەلەفۆنا وی دا بوو.

رێخستنا مافێ مرۆڤان ل عەفرینێ راگھاند کو د 8 ڤێ مەھێ دا ھەژمارەکا وەلاتییان ژ گوندێ کەفرسەفرێ یێ ناڤچەیا جندرێسێ ژ ئالیێ چەکدارێن كۆما سەمرقەنەد ڤە كو تركیه‌ پشتگریی وان دكه‌ت، ھاتن رەڤاندن، پشتی دانا پەرەیان رۆژا پێنچشەمبییا بووری ھاتن بەردان.

رێخستنێ نیشان ب وێ یەکێ کر کو د ناڤ جوانێن کو ھاتنە بەردان دا، وەلاتییەک راستی لێدان و ئەشکەنجەیێ ھاتبوو، ئه‌گه‌را وێ یەکێ ژی ژ بەر کو وێنه‌یێ ئالایێ کوردستانێ د تەلەفۆنا وی دا ھەبوو.

ژێدەرێ ئاماژە کر کو ھەر وەلاتییەکی رەڤاندی 3800 لیرەیێن ترکی دانە چەکداران ھەتا کو ھاتن بەردان.