پایتەختا سووریێ شام، ژ ئالیێ بالەفرێن شەر یێن ئارتێشا ئیسرائیلێ ڤه ھات بۆمبەباران کر، ملیسێن گرێدای ئیرانێ، هه‌ده‌فا بۆمبه‌بارانێ بوون.
ل گۆر ئاژانسا نووچەیان یا فەرمییا رەژیما سووریێ سانا بەلاڤ کر، ئیرۆ ده‌مژمێر 1:18ێ بەر ب سبەھێ ڤە، باله‌فرێن شەر یێن ئیسرائیلێ ژ گرێن جۆلانێ ڤە مووشەک ئاڤێتن دەردۆرا شاما پایتەختا سووریێ.
ھەروه‌ھا ل گۆر سانایێ دیار کرییە، سیستەما بەرەڤانیێ یا رەژیما سووریێ، ھەموو مووشەک ل ئەسمانی تێکشکاندینە.
مالپەرا سكای نیۆس ژی ب زمانێ خەلکێ باشوورێ شامێ ڤە دا زانین، پشتی بۆمبەبارانێ، ل بنکە و جھێن ملیسێن سەر ب ئیرانێ ڤە، تەقینێن مەزن ھاتنە بیھیستن.
