باله‌فرێن جه‌نگێ یێن ده‌وله‌تا تركیێ ئیرۆ پاش نیڤرۆژێ، لڤ و ته‌ڤگه‌رێن چه‌كدارێن په‌كه‌كێ ل گوندێن سینۆرێ ناڤچه‌یا چه‌مانكێ یا باشوورێ كوردستانێ بۆمبه‌باران كرن.
چاڤكانیێن پێگه‌ها داركا مازی ئه‌شكه‌ره كر، ئیرۆ رۆژ دووشه‌می 15/2/2021ێ باله‌فرێن جه‌نگ یێن ده‌وله‌تا تركیێ لڤ و ته‌ڤگه‌رێ چه‌كدارێن په‌كه‌كێ ل ده‌ڤه‌را ب ناڤێ سه‌رێ گه‌لیێ قادی یێ سه‌رێ چیایێ خێرێ كو دكه‌ڤه هنداڤی گوندێ رمێ یێ ناڤچه‌یا چه‌مانكێ ل سینۆرێ پارێزگه‌هییا دهۆكێ بۆرۆدمان كرن.
ده‌ست نیشان كر، باله‌فران ل ده‌مژمێر 12:50 هه‌یا 1:00 پاش نیڤرۆژێ ئه‌ڤ ناڤچه بۆرۆدمان كرنه و هه‌ژمارا دوو رۆكه‌تان لێ خستنه.
ده‌وله‌تا تركیێ ل رۆژا چارشه‌مبییا رابووری 10/2/2021ێ ئۆپه‌راسیۆنا ب ناڤێ په‌نجا باز-2 ل چیایێ گاره ل دژی رێخستنا په‌كه‌كێ ده‌ست پێ كر و دوهـ رۆژا یه‌كشه‌می ئه‌ڤ ئۆپه‌راسیۆن ب داوی ئینا.
