بەردەڤکێ فراکسیۆنا پارتییا دەمۆکراتا کوردستانێ په‌ده‌كێ یێ ل پارلامەنتۆیا ئیراقێ د. ئارام ناجی بالەتەیی، ژ بەر ڤیرۆسا کۆرۆنایێ، ئیرۆ ل نەخوەشخانەیەکا دھۆکێ ژیانا خوە ژ دەست دا.
د. ئارام ناجی محەمەد سالح کو ب ناڤێ د. ئارام بالەتەیی تێ ناس كرن، د سالا 1979ێ دا ل پارێزگەھییا دھۆکێ ژداییک بوویە، خەلکێ گوندێ بالەتەیە و باڤێ کەچ و کورەکی یە.
د. ئارام بالەتەیی زێدەتری 3 مه‌هانه ب ڤیرۆسا کۆرۆنایێ (كۆڤید-19) کەتبوو و ژ بەر ڤێ ڤیرۆسێ ئیرۆ رۆژا چارشه‌می 17/2/2021ێ ژیانا خوە ژ دەست دا.
ناجی محەمەد سالح، باڤێ د. ئارام بالەتەیی، کو تەمەنێ وی د سەر 60 سالیێ دا بوو، د 4ێ سباتا 2021ێ دا، د دەما نەخوەشکەتنا کورێ خوە دا، داوی ب ژیانا خوە ئانیبوو.
