ھێزێن سووریایا دەمۆکراتیک هه‌سه‌ده رادگه‌ھینیت، ژ بۆ یەکرێزییا کوردی، ئەو ب دیالۆگا کوردی – کوردی پابەندن، هه‌روه‌ها گۆت: «نابیت داخویانیێن رۆژنامەڤانی ل پێش دیالۆگێ ببن ئاستەنگی».
ئۆفیسا پىێوەندیێن گشتی یێن ههسهدێ د داخویانیەکێ دا راگه‌ھاند، هه‌سه‌ده پابەندە ب دەستپێشخەرییا خوە یا دیالۆگا کوردی – کوردی یا د ناڤبەرا ئەنجوومەنا نشتمانییا کوردی ل سووریێ (ئه‌نه‌كه‌سێ) و پارتیێن یەکیتییا نشتمانییا کوردی (په‌یه‌نه‌كێ) دا ب ئارمانجا گه‌ھشتنا یەکرێزییا سیاسییا کوردی.
ههسهدێ داخواز ژ ھەردوو ئالییان کر کو نابیت داخویانیێن رۆژنامەڤانی ل پێش دیالۆگێ ببن ئاستەنگی و گۆت: ئاسایییە ناکۆکی د نەرینا ھەردوو ئالییان دا هه‌بیت، یا گرنگ ئەوە، ڤینا سیاسی هه‌بیت ژ بۆ دەرباسکرنا ناکۆکییان و بەرژەوەندیێن گشتی بێخن پێش بەرژەوەندیێن پارتیێ.
ههسهدێ د بەردەوامیێ ژی دا دیار کرییە، ھەردوو ئالییان گاڤێن باش و جددی د دانوستاندنان دا هاڤێتینه، ئەم ب ھیڤی نە د قۆناغا بهێت دا ژی، ژ بۆ سەرخستنا دیالۆگێ و گه‌ھشتنا ب رێکەفتنەکا ل سەر بنگەھا نشتمانی، گەلەک گاڤ بهێنه هاڤێتن، دیالۆگا کوردی – کوردی، بەشەک ژ ستراتەژییا هه‌سه‌ده‌ێ یا دەستپێکرنا دیالۆگا سووری – سووری د ناڤبەرا ھەموو پێکھاتەیێن سووریێ دا یە.
