ل پارێزگەھا مووشێ یا باکورێ کوردستانێ ژ بەر بەرف و پووکا بەردەوام رێیێن 114 گوندان ھاتنە گرتن.
بارینا بەرفێ و ھەوایا سار ل باژێری باندۆرەکا نەرێنی ل ژیانا رۆژانەیا وەلاتیان کریە. ل گوندێ جڤارکان سەر ب باژارۆکێ گمگمێ یێ مووشێ نێزیکی یەک مەتر بەرف بارییە و تیمێن ئیدارەیا تایبەتا باژێرێ مووشێ ھەول ددەن رێیێن گرتی ڤەکەن.
سەکرەتەرێ گشتی یێ ئیدارەیا تایبەتا باژێرێ مووشێ شەیھموس یەنتور دەربارێ گوندێن کو رێیێن وان ھاتینە گرتن دا ئاگاھی دان و گۆت: “ل ناڤەندا باژێر 18، ملازگرێ 50، کۆپێ 38، گمگمێ 2، تەل جافەرێ 4، ل ھاسکۆیێ 2 ب گشتی رێیا 114 گوندان ژ بەر بەرفێ هاتینە گرتن.”
ل گۆر ئاگاهیێن ھاتیە بەلاڤکرن، تیمێن ڤەکرنا رێیان ل سەر کار و خەباتێن خوە بەردەوامن و موختارێ جڤارکان ئال ئەکبەر ئۆزبەک ژی دبێژیت، دو رۆژە ژ بەر بارینا بەرفێ رێیێن وان گرتی نە، لێ تیمێن ئیدارەیا تایبەت رێیا وان ڤەکرنە و ل ھندەک جھان نێزیکی یەک مەتر بەرف باریایە.
ھەروھا برێڤەبەریا کەش و هەوا ژ بۆ باژێرێن باکوورێ کوردستانێ ب تایبەتی بۆ وان، مووش، بەدلیس و جۆلەمێرگێ ھشیاریا باران، جەمەد و رەنیێ دا.
