دەمەکێ کو وان سالێن دەستپێکی قەیرانا سووریێ و شەرێ ناڤخوەیی پەیدا بووی رەژیما سووریێ ئێدی نەشیا هەموو خاکا سووریێ بپارێزیت، ناچار ما ل گەل پەکەکێ ب ناڤبەینکارییا ئیرانێ خاکا رۆژئاڤا ب وەکالەتەکا پشت پەردێ بدەتە دەست پەکەکێ، یەکەمجار دەڤەرا کۆبانێ و پاشان هێدی هێدی دەڤەرا جزیرێ و عەفرین ژی تەسلیمی پەکەکێ-پەیەدێ کرن.
محەمەد شەنەر کو کادرەکی پەکەکێ یێ رێڤەبەر بوو، جەسارەت کر ل رۆژئاڤا گاڤەکێ باڤێژیت
پیلانێن پەکەکێ یێن ب سالا ل سەر سووریێ و رۆژئاڤا ھەبوون، ئەڤە دەلیڤەیەکا باشبوو بۆ پەکەکێ-پەیەدێ، ب سالا ب ھەڤکاریا رەژیما بەعس هەموو حزب و لایەنێن کورد ل رۆژئاڤا بێ باندۆر کربوون، کەسێن وەکی محەمەد شەنەر کو کادرەکی پەکەکێ یێ رێڤەبەر بوو، جەسارەت کر ل رۆژئاڤا گاڤەکێ باڤێژیت و پەیوەندیێن پەکەکێ ب ھەڤکاریا قرێژ یا رەژیما بەعسی یا ئەسەد کەشف بکەت، لێ د دەمەکێ نێزیکدا ئەو کوشت، ئەڤ کریارە ژ لایێ رەژیما بەعسی ڤە ھاتە سەرپۆشکرن.
سەردەما کو قەیرانا سووریێ دەرکەتی پەکەکە حازر بوو، لێ حزبێن دی یێن کوردی پر لاواز حەرەکەتکرن. کەسێن وەکو مشعەل تەمۆ خواستن ھندەک گاڤان باڤێژن کو مەیدان بەس ژ بۆ پەکەکێ نەمینیت، لێ ئەو ژ لایێ ھێزەکا تاری کو ب ئیحتیمالەکا ھەری مەزن پەکەکە و رەژیمن، دهێتە تەرۆر کرن و مەیدان ب تەمامی ژ بۆی پەکەکێ-پەیەدێ دمینیت.
پشتی کو رۆژئاڤا ھاتیە کۆنترۆل کرن پەکەکێ-پەیەدێ دەست ب تەسفیاتێن ل ناڤ رۆژئاڤا کرن
پشتی کو رۆژئاڤا ھاتیە کۆنترۆل کرن پەکەکێ-پەیەدێ دەست ب تەسفیاتێن ل ناڤ رۆژئاڤا کرن و ب سەر مالێن وەلاتپارێزاندا گرتن و یێ کو نە لایەنگرێن پەکەکێ بن گرتن و ئاڤێتنە زیندانانێ دا و مالباتێن شەھیدێن پەکەکێ ل ھەمبەری وان ب کار ئینان و بارەگەھێن وان شەوتاندن.
ناڤچەیا سەرەکی یا ل ھەمبەر ڤێ زولمێ نەرازیبونێن خوە نیشاندای، دەڤەرا عاموودێ بوو، عاموودێ ب دیرۆکا خوە یا بەرخوەدانێ بناڤ و دەنگە، دەمێ رەژیمێ دا ژی ئەڤ باژێرە د لیستا رەش یا رەژیمێدا بوو، پەکەکێ-پەیەدێ سالا 2013ێ، ب 400 چەکداران عاموودێ دۆرپێچکر و ب سەدەما ڤێ ئیستیفزازا پەکەکێ ئەنجامدای ل داویێ دا رەژیما سووریێ کۆمکوژیەک ب سەرێ خەلکێ عاموودێ ئینا، وی دەمی پەکەکێ شەش کەس کوشتن ئەڤە و ژ بلی کەسێن هاتیە گرتن و بریندارکرن، ئەڤ کارێ پەکەکێ وەکو وێ کۆمکوژییا سینەمایا عاموودێ یە کو رەژمێ ب سەر کوردا دا ئینای، ب ڤێ جوداهیێ کو ڤێ جارێ ھەڤکارێ وێ ئانکو پەکەکێ-پەیەدێ ئەڤ کۆمکوژییە ب سەرێ وی مللەتی ئانی.
پەکەکێ رێک ژ بۆی جوانێن کورد ڤەکرن، ل گومرکا هەر کەسەک ب پێنج ھزار لیرێن سووری هنارتنە ژ دەرڤەی وەلاتی
پشتی ڤان کارێن خوە یێن قرێژ، پەکەکێ رێک ژ بۆی جوانێن کورد ڤەکرن، ل گومرکا هەر کەسەک ب پێنج ھزار لیرێن سووری هنارتنە ژ دەرڤەی وەلاتی. کادرێن خوە رازی دکرن کو براتینیا گەلا دێ ل گەل برایێن عەرەب دا چیکەن، کەسێن خوەدیێ ڤێ سلۆگانێ ژ لایەکێ باس ل براتینیا کورد و عەرەبا دکر ژ لایەکێ دی نەدشییان براتینیا دناڤبەرا کوردان دا پێک بینن و ببپارێزن، پەکەکێ – پەیەدێ ب چەکدارێن خوە یێن سەر و چاڤ گرتی زولم ل مللەتی د کرن و مللەت ژی ب نەچاری د رەڤینە ژ دەرڤەی رۆژئاڤا، ل جھێ وان عەرەب د ھاتنە ب جیهـ کرن. پەکەکێ رێکەفتن ل گەل عەشیرەتێن کوردا چێنەدکر بەلکو ل گەل شێخ و عەشیرەتێن عەرەب چێدکرن. پارتیا پێشڤەروو کو وان ژی ھێزێن خوە یێن بچووک ھەبوون، پشتی ڤێ کۆمکوژییێ ئەو ژی ترسیان و هێزێن خوە هەلوەشاندن و چۆنە ژ دەرڤەی رۆژئاڤا.
تشتا ھەری بالکێش ئەوە یێن کو دەستێ وان د ناڤ ڤان کۆمکوژیان دا و کارێن خراب ل ھەمبەر ڤی ملەتی د کرن ئەو بەرپسارێن کو ئەڤ تەعلیماتێن حیزبا خوە جێ بە جێ د کرن یەک ب یەک ژ لایێ پەکەکێ ب خوە ڤە دهێنە تەسفیەکرن.
جوان ئیبراهیم ل چریا دویەمین ئا سالا 2018ان ل چیایێ گارێ ل دەڤەرا ئامێدیێ ب دەستێ پەکەکێ ب خوە هاتیە کوشتن
یەک ژ وان کەسێن ئەڤ کارە ژ بۆی پەکەکێ ئەنجام ددان جوان ئیبراھیم بوو کو ب جوان عەرەب دھات ناسکرن، بەرپرسێ ئاساییشا گشتی بوو، پشتی ئەو کریارێن قرێژ ب دەستێ وی ھاتینە ئەنجامدان ل داویا سالا 2017ێ ل بن ناڤێ پەروەردێ دا فرێکرە چیا، پاشان ب رەنگەکی پر بالکێش هاتە کوشتن و نەهێلا بزڤریتە رۆژئاڤا، پەکەکێ ئەڤ رایەدار و کادرۆیێ خوە کوشت، لێ هەیا نها کوشتنا وی نە راگهاندیە، زانیاریێن د دەست مە دە ڤێ یەکێ تەکەز دکن کو جوان ئیبراهیم ل چریا دویەمین ئا سالا 2018ان ل چیایێ گارێ ل دەڤەرا ئامێدیێ ب دەستێ پەکەکێ ب خوە هاتیە کوشتن.
پەکەکێ دۆزدار حەمۆ ل سالا 2019ێ دا کوشتن
کەسەک دی کو ئەو ژی کادرەکێ کەڤن بوو ب ناڤێ دۆزدار حەمۆ، ئەو ژی د کار و بارێن مالی ڤە ئەرکداربوو کو د بابەتێن ئابووری دا گەلەک بابەتێن دراڤی یێن تشتێن نادیار پێ ددانە کرن، وەختێ ئاشکەرا بووی ئەو ژی برنە پەروەردێ دوڤرا ل چیا هێلا و رێ نەدا بزڤریتە رۆژئاڤا و ئەو ژی ب رەنگەکێ ژ رەنگا دا کوشتن، ئەڤ کەس ژی ل سالا 2019ێ پەکەکێ دا کوشتن.
هەمزێ کۆر چەوا هات تەسفیە کرن؟
کەسەکێ دی ب ناڤێ ھەمزە (ھەمزێ کۆر) د دەما کۆمکوژیا عاموودێ دا بەرپسیارێ گەنجا بوو، پاشێ ھەر ل عاموودێ ئەرکێ ئاساییشا عاموودێ دایێ کو دەستێ ویژی د کۆمکوژیا عاموودێ دا ھەبوو.
پاشێ بەرپرساتییا وی بلند کرن و کرە بەرپرسێ ئەیالەتا تربەسپی یێ، پاشێ بلندتر کرن و بوو بەرپرسێ کانتۆنا حەسەکێ، کارێ رەستۆرانتا (لۆکانتێ) ژ بۆ فەرمانبەرێن رمێلانێ دانە باب و مامێ وی، ڤێ داویێ ھەمزە ب خوە حەسییا، د ڤان ھەڤدیتنێن ئەنەکەسێ و پەیەدێ دا کو ئەنەکەسێ داخوازا لێکۆلینێ د کۆمکوژییا عاموودێ ژ وان کر، و داخواز کری حساب د گەل بکەرێن کۆمکوژییا عاموودا و ئەنجامدەرێن شەوتاندنا بارەگەهێن حزبی دا بهێتە کرن، ھەمزە ترسیا و زانی دێ حزبا وی، وی کەتە قوربانی، خواست دەرکەڤیت و فیرار بکەت، لێ ل تربەسپییێ دەستەسەر کرن پشتی لێکۆلینەکا ڤەشارتی جارەکا دی ئینا و فرێکرەڤ سەر کارێ وی، پەکەکێ ئەو ل دەڤەرا دێرەزۆرێ کو قەدەغەیە کادر ب تەنێ ب گەریت، ب تەنێ ل ترۆمبێلەکێ سوار کر و شاندە جیھەکێ، د رێ دا گۆت ترۆمبێلا وی قولوپیە ئەو ژی تێدا مرییە. ھەر کەس ھەمزە ناس دکەت، ل باژارێن کوردا ژی ب تەنێ دەرنەدکەفت، هەردەم هندەک کەس ل گەل ویدا بوون. پەکەکە-پەیەدە دخوازن ب ڤی رەنگی چ تشتا ل پاش خوە نەھێلین.
بەرپرسێ سەرەکی یێ وێ کۆمکوژیێ رێڤەبەرێ کۆنسەیا پەکەکێ ئانکو موراد کارایلان “جەمال”ە
ئەڤ کریارێن ل دژی خەلکێ رۆژئاڤا و کادرێن پەکەکێ ب خوە دھاتنە کرن ب ئۆکەیا قەندیلێ دهاتنە کرن، بەرپرسێ سەرەکی یێ وێ کۆمکوژیێ رێڤەبەرێ کۆنسەیا پەکەکێ ئانکو موراد کارایلان “جەمال”ە، ژبەرکو ل وان دەما ئەو گەلەک د چوو رۆژئاڤا و د زڤریا چیا، شاھین جیلۆ( مەزلووم عەبدی)، باھۆز ئەردال، سۆفی نورەدین، ئالدار خەلیل، خالیدا عەفرین، ئیلھان ئەحمەد، دەرویش و شاھۆس بەرپرسێن ڤان کارێن قرێژی نە و ئەو ژ ھەر تشتی ژی هایدارن، ژبەرکو تەعلیمات ب بریارا ڤان و ب ئۆکەیا قەندیلێ ھاتینە دەرکرن.
ئەگەر دیڤچوونەکا باش بهێتە کرن دێ گەلەک تشتێن نهێنی وەکی کوشتن و تەسفیەکرنا کادران دیار بن کو ب تەعلیماتێن ڤێ رێڤەبەرییێ هاتینە ئەنجامدان و پاشێ هەر ژ لایێ پەکەکێ ڤە هاتینە سەرپۆشکرن، بۆ میناک بۆتان فەراشینی ب دەستێ دو شەرڤانا ل بەر دەرێ مەحکەمێ کوشتن و یێک ژ وان هەر دو کەسا د زیندانێدا داوی ب ژیانا خوە ئانی و یێ دویەمین ژی ب شەکلەکێ نەدیار ژ ناڤ بر.
