چەند چەکدارەکێن پەکەکێ ل کانی ماسێ هاتنە کوشتن

باله‌فرێن جه‌نگی یێن ده‌وله‌تا تركیێ ئیرۆ پشتی نیڤرۆ چه‌كدارێن په‌كه‌كێ ل کانی ماسی ئارمانج کرن.

چاڤکانیێن پێگەها دارکا مازی ل باشوورێ کوردستانێ ئاشکەرا کرن، ئیرۆ رۆژا دوشەمبی 22/2/2021ێ ل دەمژمێر 1:00 پشتی نیڤرۆ، باله‌فرێن جه‌نگی یێن ده‌وله‌تا تركیێ، ستارگەهەکا چه‌كدارێن په‌كه‌كێ ل ناڤا گوندێ خانکا کەڤن ئارمانج کریە.

ئێریشا ئیرۆ ل سەر کاڤلە خانیەکێ گوندێ خانکا کەڤن کو دکەڤیتە ناڤچەدارییا کانی ماسێ ل ناڤچەیا بەرواری بالا پێک هات، چەکدارێن پەکەکێ ئەڤ کاڤلەخانیە وەکو ستراگەهەک بکار دئانی، لێ بەلێ بالەفرێن ترکیێ ئەو کاڤلەخانی ئارمانج کر و ب بۆمبەیەکێ ژناڤ بر.

چاڤکانیێن پێگەها دارکا مازی هەر وەها ئاشکەرا کر کو ب سەدەما ڤێ ئێرێشا بالەفرێن جەنگی یێن دەولەتا ترکیێ، زیانێن جانی ب پەکەکێ گەهشتینە و هەژمارەکا چەکدارێن ڤێ رێخستنێ بریندار بوونە و هەژمارەک دی ژی جانێ خوە ژ دەست دایە، لێ بەلێ هەژمارا وان حەتا نها نایێ زانین.