پشتی کو گەنجەکێ 29 سالی یێ خەلکێ دەڤەرا ئامێدیێ ب تۆمەتا سیخوریێ ژ ئالیێ پەکەکێ ڤە ھاتیە گرتن، د ئۆپەراسیۆنا گارە دا جانێ خوە ژ دەست دا، ئیرۆ جەنازەیێ وی رادەستی مالباتا وی دهێتە کرن و بریارە ژ مەلەتی یا باکورێ کوردستانێ بینن ھەرێما کوردستانێ.
هێزێن پاراستنا گەل ھەپەگێ ب ھێجەتا سیخوریکرنا بۆ میتا ترکیێ جۆتیار موحسینێ 29 سالی کو خەلکێ گوندێ سیارێ یە ل 29ێ چلەیا 2020ێ گرتبوو. پشت را هاتە راگەهاندن کو ڤی گەنجی د ئۆپەراسیۆنا لەشکەری یا ئارتێشا ترکیێ بۆ سەر گەریڵایێن پەکەکێ ل چیایێ گارە یێ باشوورێ کوردستانێ دا ژیانا خوە ژ دەست دایە.
چاڤکانیێن پێگەها دارکا مازەی ئاشکەرا کرن، ل سەر ڤێ یەکێ مالباتا جۆتیار موحسین ژ بۆ کو جەنازەیێ کورێ خوە وەرگرن چووبوون مەلەتێ یا باکورێ کوردستانێ.
هەر وەها هاتە ئاشکەرا کرن کو بریارە پاش ب داوی هاتنا کارێن فەرمی، تەرمێ جۆتیار موحسن رادەستی داییک و بابێن وی کو نها ل باکورێ کوردستانێ نە بهێتە کرن.
