ب ئه‌گه‌را په‌كه‌كێ گوندێ سگێرێ هات بۆردۆمان كرن

pkk-duhok-kurdistan-hesaraberkiyat

باله‌فرێن ده‌وله‌تا تركیێ ئیرۆ بۆ جارا دوویه‌مین لڤ و ته‌ڤگه‌رێن چكدارێن په‌كه‌كێ ل باشوورێ كوردستانێ هه‌ده‌ف كر، وه‌ختا كو سنۆرێ گوندێ سگێرێ یێ گرێدای ده‌ڤه‌را نهێلی بۆردۆمان كری.

ل گۆری ئاگاهیێن ده‌ستێ مه‌، ئیرۆ رۆژا سێشه‌مبی 23/2/2021ێ، باله‌فرێن ده‌وله‌تا تركیێ دوو جاران هێرشا چه‌كدارێن په‌كه‌كێ ل باشوورێ كوردستانێ كر، جارا یه‌كه‌مین ل ده‌ڤه‌را گاره‌ و نوقته‌یێن رێخستنێ ل حه‌سارا بێركیات یا گرێدای ناڤچه‌یا چه‌مانكێ ل گاره‌ و پشتره‌ ل گوندێ سگێرێ گرێدای قه‌زا ئامێدیێ.

باله‌فران یه‌ك رۆكه‌ت ل حه‌سارا بێركیات خست و یه‌ك رۆكه‌ت ل بلنداهیێن گوندێ سگێرێ، هه‌ر چه‌ند كو زرارێن په‌كه‌كێ نه‌هاتنه‌ زانین، لێ به‌لێ ل گۆر دیمه‌نێن كو ژ بۆی پێگه‌ها مه‌ هاتنه‌ شاندن، دۆمانه‌كا‌ مه‌زن ل ئاسمانێ به‌رز بوو.

رێخستنا په‌كه‌كێ لڤ و ته‌ڤگه‌رێن چه‌كدارێن خوه‌ ب مه‌به‌ست دئێخیته‌ نێزیكی گوند و دۆربه‌را باژارۆكان ژ بۆ كو ئه‌ڤ ده‌ر ببن مه‌یدانا شه‌ر و ژ وه‌لاتییان بهێنه‌ ڤالا كرن، خه‌لكێ گوندێن باشوور ب تایبه‌ت یێن سنۆرێ پارێزگه‌ها دهۆكێ پر ژ ڤێ هه‌نگاڤا په‌كه‌كێ عاجزن.

پوستێن ھەمان بەش