په‌كه‌كه‌ ل گاره‌ی و باتیفا تێ هه‌ده‌ف كرن

باله‌فرێن جه‌نگێ یێن ده‌وله‌تا تركیێ ئیرۆ جاره‌كا دی هێرشا په‌كه‌كێ ل باشوورێ كوردستانێ كر و ل هه‌ر یێك ژ ده‌ڤه‌را گاره‌ی و دۆربه‌را باتیفا رۆكێت لێ خستنه‌.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، ئیرۆ رۆژا ئینی 26/2/2021ێ، ده‌وله‌تا تركیێ دوو ئێریشێن هه‌وایی و به‌ژاهی ل دژی رێخستنا په‌كه‌كێ ل باشوورێ وه‌لات ئه‌نجام دانه‌، یا یه‌كێ ل دوو گوندێن ده‌ڤه‌را گاره‌ی بوون و باله‌فران حه‌ره‌كه‌تا چه‌كدارێن رێخستنێ ل دۆربه‌را گوندێ سیانێ و ئه‌رگنێ هه‌ده‌ف كرن.

هه‌م ده‌م تۆپخانه‌یێن ئارتێشا تركیێ د ته‌عقیبا حه‌ره‌كه‌تا چه‌كدارێن په‌كه‌كێ دا، دۆربه‌را قه‌زا باتیفا ل نێزی گوندێن بانكا ژێر و ژوو تۆپ لێ باراندن.

رێخستنا په‌كه‌كێ ئه‌ڤ نێزی ساله‌كێ یه‌ حه‌ره‌كه‌تا چه‌كدارێن خوه‌ و نوقته‌یێن خوه‌ ل نێز و ناڤا گوندێن باشوورێ وه‌لات دانانه‌، ئه‌و دخوازه‌ ئه‌ڤ گوند ببن قادا شه‌ر و ژ خه‌لكی وه‌رن ڤالا كرن، ب ڤێ سه‌ده‌مێ گوندێن باشوور به‌رده‌وام دكه‌ڤن به‌ر هێرشێن ده‌وله‌تا تركیێ.