پەنتاگۆنێ بەرسڤا ترکیێ دا: “S-400  ژ S-300 مەترسیدارترە”

ل سەر مژارا کو S-400 ژ رۆژەڤێ دەرناکەڤیت، وەزیرێ بەرگرییا ترکیا ھولوسی ئاکار وەکو میناک باسی ئەنداما ناتۆیێ یوونانستان کربوو و راگهاندبوو کو یوونانستان ل گراڤا گردێ پێش نها S-300 بجیھ کرینە. ل سەر گۆتنا ئاکار، بەردەڤکێ پەنتاگۆنێ تۆماس جامپبەل بەرسڤا وەزیرێ بەرگرییا ترکیا هولوسی ئاکار دا و گۆت کو سیستەما S-400 ژ یا S-300 مەترسیدارترە.

جامپبەل وەھا گۆت: “ئەز بانگ دکەم کو ترکیا سیستەما S-400 د دەستێ خوە دا نەگریت. فرۆتنێن وەھا بۆ رووسان خوەگەھاندن، پارە و دەستھلاتێ چێدکەت. ترکیا دەمەک درێژە ھەڤکارێ ناتۆیێ و بۆ مە ب قیمەتە. لێ مژار، ژ بەرکو ترکیا ھەڤکارا ئەمریکا و ناتۆ یە، ل گەل بەرپرسیاریێن ترکیا ل هەڤ ناگرن.”

بەردەڤکێ پەنتاگۆنێ ل سەر مژارا S-300 وەھا گۆت: “ھەر دو سیستەم نە ھەمان تشتن. S-400 ژ لایێ مەترسیێ دا بۆ ناتۆ و ئەمریکایێ گەفەکا مەزنترە. زێدەباری ڤێ یەکێ ترکیا و ئەندام و ھەڤکارێن ناتۆیێ، د سالا 2016ێ دا ل وارشۆ د جڤینا ناتۆیێ دا سۆز دابوون کو کرینا ئالاڤێن رووسیایێ کێم بکەن. ئەڤ کرین ل دژی بریارا وارشۆیێ یە.”