شەڤا بۆری گرووپێن چەکدارێن گرێدایی ترکیا ل دەشتا خابێ ل باشوورێ ئدلبێ و باکورێ حەمایێ ئێریشی ھێزێن حکوومەتا سووریێ کرنە.
ل گۆر ئاژانسێن خوەجھی، د ئێریشێ دا ھەژمارەک سەربازێن سووری ھاتینە کوشتن و ھەژمارەکا دی ژی بریندار بوونە.
ل گۆر ھەمان چاڤکانیان، ئێریش ل سەر پێگەھ و ناڤەندێن ھێزێن حکوومەتا سووریێ ل نێزیک گوندێ سەرمانیێ ل دەشتا خابێ ھاتیە ئەنجامدان.
ھێزێن حکوومەت و ئۆپۆزسیۆنا سووریێ ل سەر مەترسیا رووبرووبوونێ ل باشوورێ ئدلبێ، ب تایبەت ل محوەرێ جەبەل ئەل-زاویە، ژ دەمکێ ڤە د رەوشا ئامادەباشیێ دە نە.
چاڤکانیێن سەر ب ئۆپۆزسیۆنێ تەکەز دکن کو ھێزێن حکوومەتا سووریێ خوە ژ بۆ ئێریشەکا بەرفرەھ بۆ سەر ناڤچەیێ ئامادە دکەن.
ل ئالیەکێ فرۆکەیێن شەری یێن رووسی گەلەک ئێرشێن ئەسمانی ل ئەنیێن کابانای یێن چیایێ کوردا پێک ئانین. ل ئالیەکێ دی، ھێزێن رژێمێ چەپەرێن ل سەد ئەل-شوغار و ئەل-سوکارییاھ ل گوندەوارێ رۆژئاڤایێ ئدلب تۆپباران کرن. دەر بارێ کوشتی و برینداران دا حەتا نھا چ ئاگاھی نەھاتنە دایین.
