ئه‌و دایكا دل سۆتی یا كو دوهـی بانگ ل هه‌سه‌دێ و مه‌زلووم عه‌بدی كری كو زارۆكێن وێ ئازاد بكەن، ب فه‌رمانا سه‌بری ئۆك به‌رپرسێ هه‌والگیرییا رێخستنا په‌كه‌كێ هاتە ده‌سته‌سه‌ر كرن.
ل گۆر ئاگاهیێن ده‌ستێ مه دا، دوهـی رۆژا دووشه‌مبی 1/3/2021ێ، ژنا ب ناڤێ هه‌یفا هۆشۆ یا ته‌مه‌ن 55 سال ل سۆسیال مه‌دیایێ په‌یامه‌ك ڤیدیۆیی پارڤه كربوو و تێدا داخواز ژ مه‌زلووم عه‌بدی و هه‌سه‌دێ كربوو كو زارۆكێن وێ یێن 3 و 4 و 6 سالی، كو به‌ریا دوو مه‌هان پێش بابێ وان نیدال ئیبۆ ڤه هاتبوونە ده‌سته‌سه‌ر كربوون، ئازاد بكەن.
پاش كو ئه‌ڤ په‌یاما ڤیدیۆیی ب ئاوایه‌كی به‌فره‌هـ د تۆرێن كۆمه‌لاتی دا هاتییه به‌لاڤ كرن و نه‌رازیبوون و ریسواكرنا گه‌ل ل دژی هه‌سه‌دێ ل په‌ی خوه ئانین، ئیرۆ هێزێن سووریایا ده‌مۆكراتیك و ب فه‌رمانا راسته راست یا په‌یه‌دێ و سه‌بری ئۆك به‌رپرسێ هه‌والگیرییا په‌كه‌كێ هه‌یفا هۆشۆ دهێتە ره‌ڤاندن.
هه‌یفایێ د په‌یاما خوه یا ڤیدیۆیی دا، بانگ ل مازلووم عه‌بدی كر كو زارۆكێن وێ ئازاد بكه‌ت و ژێرا گۆتبوو: ما قه‌ی زارۆكێن 3 سالی چ گونه‌ها خوه هه‌یه كو هه‌وه ئەو ب دیل گرتینه.
هێژای گۆتنێ یه، بابێ وان زارۆكان كو ب نیدال ئیبۆ دهێتە ناسكرن و ل ئه‌نجوومه‌نا له‌شكری یا منبجێ یا گرێدای هه‌سه‌دێ وه‌زیفه‌داربوو، پشتی كو ده‌ست ژ كارێ خوه به‌ردای وی د وه‌شانه‌كا زیندی دا ل سۆسیال مه‌دیای باس ل گه‌نده‌لی و دزییێن بەرپرسێن هه‌سه‌دێ كر.
پشترا هه‌سه‌دێ فه‌رمانا ده‌سته‌سه‌ر كرنا وی ده‌ركر، لێ ئه‌و ژ منبجێ ره‌ڤیا و هه‌سه‌دێ پێش وی ڤه مالباتا وی ده‌سته‌سه‌ر كرن و گۆتە وان كو حەتا ئه‌و خوه راده‌ست نه‌كهت زارۆک ناهێنە ئازادکرن.
