سەرۆکێ ھەڤپەیمانیا نیشتیمانی یا ئۆپۆزیسیۆنا سووریێ لگەل ئەنەکەسێ کۆم بوون

سەرۆکێ ھەڤپەیمانیا نیشتیمانی یا ئۆپۆزیسیۆنا سووریێ لگەل ئەنەکەسێ کۆم بوون

سەرۆکێ ھەڤپەیمانیا نشتمانی یا ئۆپۆزیسیۆنا سووریێ نەسر حەریری ل باژێرێ ھەولێرێ راگھاند؛ لگەل ئەنەکەسێ رەوشا سیاسی، گەشەدانێن ل ھەرێمێ، شەرێ تەرۆرێ، رەوشا مرۆڤی ل سووریێ و ئاستەنگێن کو ل ھەرێمێ دەرکەتنە ھۆلێ، گۆتووبێژ دکەن.

نەسر حەریری ل پایتەختا ھەرێما کوردستانێ باژێرێ ھەولێرێ لگەل ئەنجوومەنا نشتمانی یا کوردی (ئەنەکەسێ) جڤیا و بەری جڤینێ بەرسڤ دا پرسێن رۆژنامەڤانان.

سەرۆکێ ھەڤپەیمانیا نشتمانی یا ئۆپۆزسیۆنا سووریێ نەسر حەریری راگھاند: “ئەم سپاسیا برایێن خوە یێن ل ئەنجوومەنا نیشتیمانی یا کوردی یا سووریێ (ئەنەکەسێ) دکەین، کو ئەو پێکھاتەیەکا گرنگە و پەیوەندیەکا مەیا باش لگەل ھەرێما کوردستانێ ھەیە. ئەم رووبروویی ئاستەنگێن ھەڤبەش بووینە ل ھەرێمێ، کو ژ وان یا ھەری گرینگ؛ رەفتارێن خرابێن ئیرانێ نە ل ھەرێمێ.”

ل سەر رۆلا ھەرێما کوردستانێ د پێشوازیکرنا ئاوارەیێن سووریێ دا دیار کر: “رۆلا ھەرێما کوردستانێ د شۆرەشا سووریێ دا رۆلەکا مەزن بوو د پێشوازیکرنا ئاوارەیان دا.”

ل سەر مژارێن کو د جڤینێ دا ئاخافتن ل سەر دهێتە کرن ئاشکەرا کر: “رەوشا سیاسی، گەشەدانێن ل ھەرێمێ، شەرێ تەرۆرێ، رەوشا مرۆڤی ل سووریێ و ئاستەنگێن کو ل ھەرێمێ دەرکەتنە ھۆلێ.”

نەسر حەریری گۆت: “ئەم دخوازین سووریا، یا خەلکێ سووریا بیت، هیچ ئەجیندایەکێ دەرڤە ل سووریێ نەبیت.”

ل سەر بنپێکرنێن ل ھەرێما عەفرینێ دیار کر: “ئەز نابێژم رەوش ژ سەدی سەد باشە، ل وان دەڤەرێن ئازادکری ئاستەنگ و پرسگرێک ھەنە. پێنج ملیۆن وەلاتیێن سووریێ تێدا دژین، ھەموو پێکھاتەیێن گەلێ سووریێ تێدا دژین. شانەیێن رازایی یێن قاعیدە و رەژیم و میلیشیایێن ئیرانێ تێدا ھەنە، حەتا پەکەکە ژی ھەیە”.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری