كۆمێن چه‌كدارێن شیعه یێن گرێدای ئیرانێ جاره‌كه دن ئێریشا هێزێن ئامه‌ریكایێ ل ئیراقێ كر، وه‌ختا كو ڤێ سبێ 10 مووشه‌كێن كاتیۆشا لێ خستین.
ئیرۆ رۆژا چارشه‌می 3/3/2021ان، بنگه‌ها ئامه‌ریكی یا ب ناڤێ عه‌ین ئه‌سه‌د ل سینۆرێ پارێزگه‌هییا ئه‌نبارێ، راستی ئێریشه‌كه مووشه‌كی هات، ئێریش ل ساعه‌ت 7:00 سبه‌هێ پێكهات.
بەردەڤکێ ئۆپەراسیۆنێن ھەڤبەش لیوا تەحسین خەفاجی ئاشکەرە کر، ئیرۆ دەمژمێر 7:00 بنگه‌ها عه‌ین ئه‌سه‌د ب 10 مووشەکان ھات ئارمانج کرن، لێ تو زرارێن مادی و جانی نەبوون.
ئاشکەرە کر ژی، ئەو 10 مووشەک ژ جورێ كاتیۆشا بوون و ل دەرڤەیی بنگه‌هێ کەتن.
ئەڤ نە جارا یەکەمە بنگه‌هێن ئامەریکی ل عەین ئەسەد کو دۆرا 2 ھەزار عه‌سكه‌رێن ئامەریکی لێ نە، تێ ئارمانجکرن، ئێریشا ئیرۆ پاش بۆرۆدمانا ئامه‌ریكایێ ژ بۆ هێزێن گرێدای ئیرانێ ل سووریێ تێ كو ل رۆژێن رابووری ب باله‌فرێن جه‌نگێ ئه‌ڤ ئێریش پێكئانی بوو، وه‌كه تۆلهلدانه‌كێ ژ بۆ ئێریشا مووشه‌كی یا كو ل سه‌ر هه‌ولێرێ ل مه‌ها رابووری پێكهاتی.
