بەردەڤکێ وەزارەتا بەرەڤانیا ئەمریکا (پەنتاگۆن) جۆن کربی، ل سەر ئێریشا ئاسمانی یا ل سەر میلیشیایێن ئیرانی یێن ل سووریێ دا راگھاند کو ئارمانجا وان ب وێ ئێریشێ چاڤترساندنا ھێزێن میلیشیا بوو.
جۆن کربی د جڤینا رۆژنامەڤانی دا ل سەر پرسیارەکا دەربارێ باندۆرا وێ ئێریشێ دا گۆت: “مە هێژان باندۆرەکا وێ یا بەرچاڤ نەدیتیە، لێ ھەلبەت ئەز بەحسا ھورگلیێن ئیستخباری ناکەم. وەکی کو من حەفتەیا بۆری ژی گۆتبوو، یەک ژ ئەنجاما کو مە دخواست د ڤێ ئێریشێ دا ب دەست بێخین چاڤترساندنا ھێزێن میلیشیایە کو ئەم رێ ل بەر ئێریشێن وان یێن ل سەر وەلاتییێن خوە، بارەگەھ و ھەڤپەیمانێن خوە بگرن. ئەم ھێڤی دکەین کو دێ باندۆرا وێ چێببیت.”
کربی ھەروەھا دا زانین کو ئێریشا گرۆپێن میلیشیا ل دژی وەلاتیێن ئەمەریکی پێک نەھاتیە و ئەو ھێڤی دکەن وسا ژی بمینیت.
