ئەنجوومەنا ئاساییشا کوردستانێ دانپیدانێن “گرۆپا سیخوری یا بادینان” بەلاڤ کرن

ئەنجوومەنا ئاساییشا هەرێما کوردستانێ، ئیرۆ رۆژا پێنجشەمبی 4/3/2021ێ بەشەکێ دانپیدان و وان بەلگەیان پارڤەکرن کو ب سەدەما وان حوکمێ 6 سالان زیندانیکرنێ ژ بۆی ڤێ گرۆپا سیخوری هاتبوو دەرکرن.

د دانپێدانێن ئەندامێن ڤێ گرۆپێ دا دیار دبیت کو ڤێ گرۆپێ کار ژ بۆی دروست کرنا گرۆپەکێ بچووک یێ سیخوریێ کریە و زانیاری کۆم کرینە و دەورەیا بکارئانینا چەکێ بێ دەنگ دیتینە و خواستینە سیستەما سیاسی یا هەرێما باشوورێ کوردستانێ بگوهەرینن، ڤێ گرۆپێ دیمەنێن کاروانێن لەشکری و بارەگەهێن سازیێن ئەولەهیێ ل باشوورێ کوردستانێ تۆمارکرینە و ب ئاوایەکە راستە راست پەیوەندی ل گەل پەکەکێ هەبوویە.

د دانپێدانێن ڤێ گرۆپێ دا ب ئاوایەکێ ئاشکەرا دەردکەڤیت کو پەکەکە ژ بۆی تێکدانا رەوشا باشوورێ کوردستانێ ژ هیچ تشتەکێ خوە دوور ناگریت، خوە تەرۆرکرنا دادوەر و بەرپرسێن سازیێن حکوومی ژی.