رووسیا د بەرسڤا ئەمریکایێ دا: مە ھەموو چەکێن کیمیاوی ژناڤ برینە!

رووسیا د بەرسڤا ئەمریکایێ دا: مە ھەموو چەکێن کیمیاوی ژناڤ برینە!

بەردەڤکێ کرملین دێمتری پەسکۆڤ، ل سەر بانگەوازیا ئەمریکا ل رووسیایێ کری کو خواستبوو چەکێن خوەیێن کیمیاوی ژناڤ ببەت داخویانی دا.

وەزارەتا دەرڤەیا ئەمریکایێ بانگ ل رووسیایێ کربوو، ژ بۆ کو دۆرپێچێن نوو یێن ژ بەر گرتن و ژەھریکرنا سەرۆکێ ئۆپۆزیسیۆنا رووسی ئالەکسەی ناڤالنی ل سەر رووسیایێ نەیێن سەپاندن، بلا ھەموو چەکێن خوەیێن کیمیاوی ژناڤ ببەن.

بەردەڤکێ کرملینێ پەسکۆڤ ژی د جڤینەکا رۆژنامەڤانی دا بەرسڤا ئەمریکایێ دا و گۆت، “ئەم دزانین ئەمریکا ژی د ناڤ دا چەند وەلاتەکێن دی چەکێن کیمیاوی ل ناڤ خاکا خوە هێلاینە. ئەو بانگەوازی بێ بنگەھ و نە مەنتقی یە، ژبەرکو مۆسکۆیێ ھەموو چەکێن خوە یێن کیمیەوی زوو دا ژناڤ برینە. د دەستێ رووسیایێ دا چەکێن کیمیاوی نینە.”