پاپا فرانسیس، ل باژارێ ئور کو باژارێ شارستانیێ دیرۆکی و باژارێ ژدایکبوونا پێغەمبەر ئیبراھیمه، گۆتاره‌ک پێشکێش کر و دیار گۆت: «ئەم نەڤیێن ئیبراھیمن و دڤێ ئەم براتییا خوە ژبیر نەکن«.
پاپایێ ڤاتیکانێ باس ل پێغەمبەر ئیبراھیم کر و گۆت: «ئیبراھیم، رەحما خودێ ل سەر بیت، ل ڤێر ل ئاسمان نێری و ژ ئاسمان و ستێرکان وەحی ب وی گه‌هشت، ئەم ژی پشتی ب ھەزاران سالان، ل ئاسمان دنێرن و ئاسمان پەیام ھەیە بۆ مە ژی، ئەڤ ئاسمان پەیاما ھەڤگرتنان مە ب مە دده‌ت، ئاسمان ژ مە را دبێژیت، پێویستە ھوون خوە ب دەست ڤە نەدن«.
ھەروه‌ھا پاپا فرانسیس دا زانین «ئەڤ براتییا مە قاییم دکەت، ئەم نەڤیێن ئیبراھیمن و دڤێ ئەم براتیا خوە ژبیر نەکن، دڤێ ئەم ئەردێ ئاڤەدان بکن و ئەڤ ئەرکێ سەر ملێن مەیە.«
نوونەرێن ئۆلی یێن جیاواز د دیدارەکێ دا بەشدارن کو مەراسیم ژی ب ناڤێ دیدارا ئایینانە،3 کوردێن زەردەشتی و کاکەیی ژی چوونە باژارێ ئورێ ل ناسریێ و ئەو دخوازن پاپا ببینن و نامەیەکێ رادەست بکن.
نوونەرێن زەردەشتی و کاکەییان کو چوونە باژارێ ئۆر دایە زانین، ئەو داخواز ژ پاپا دکن گڤاشێ بخە سەر حکوومەتا ئیراقێ ژ بۆ چارەسەرکرنا پرسگرێکێن ناڤچەیێن کو ئەو ل سەرن.
