پاپا ب په‌یاما ئاشتیێ هات و مه‌ ب شووری ئه‌و پێشوازی كر

پاپا ب په‌یاما ئاشتیێ هات و مه‌ ب شووری ئه‌و پێشوازی كر

عه‌مار حه‌كیم سه‌ركردێ شیعه‌ یێ ئیراقێ، ئاوایێ پێشوازییا ده‌وله‌تا ئیراقێ ل پاپایێ ڤاتیكانێ ره‌خنه‌ كر و گۆت: ئه‌و ب په‌یاما ئاشتیێ هات و مه‌ ب شووری ئه‌و پێشوازی كر.

عه‌مار حه‌كیم، سه‌ركردێ سیاسی و ئۆلی یێ شیعه‌ دوهـ ل ده‌ما كو پێشوازی ل پاپایێ ڤاتیكانێ هاتییه‌ كرن، ئاوایێ پێشوازیێ ره‌خنه‌ كر و گۆت: پاپا هاتییه‌ و دبێژه‌ په‌یاما ئاشتیێ ب من ره‌ هه‌یه‌، لێ به‌لێ ده‌وله‌تا ئیراقێ ب شووری پێشوازی ل وی كر.

عه‌مار حه‌كیم ل حه‌سابا خوه‌ ئا تویته‌رێ ووسا نڤیساند: پاپا هات و گۆت كو په‌یاما ئاشتیێ ب من ره‌ یه‌، لێ به‌لێ ئیراقێ ب شووری ئه‌و پێشوازی كر، عه‌مار حه‌كیم پرسی یه‌، گه‌لۆ قه‌ی تشته‌كێ دنێ لایقی پێشوازییه‌كه‌ ووسا، د كۆلتوورا مه‌ ئا ئیراقێ تونه‌یه‌؟!

مه‌به‌ستا عه‌مار حه‌كیم ژ وان گۆتنێن خوه‌ ئه‌و گرووپێن سه‌ما كولتووری یێن ئیراقێ بوون كو ب شووری ل هه‌ردوو ئالێن پاپا د له‌یزین، وه‌ختا كو پاپا و مسته‌فا كازمی سه‌رۆكوه‌زیرێ ئیراقێ ل سه‌ر فه‌رشا سوور د مه‌شیان.

هێژای گۆتنێ یه‌، پاپا فرانسیس پاپایێ ڤاتیكانێ ئه‌ڤ دوو رۆژه‌ ب سه‌ردانه‌كه‌ دیرۆكێ ل ئیراقێ یه‌ و ووسا بریاره‌ سه‌ردانا هه‌ولێرێ ئا پایته‌ختا باشوورێ كوردستانێ ژی بكه‌.