پاپایێ ڤاتیكانێ گهیشتییه باشوورێ كوردستانێ
پاپایێ ڤاتیكانێ سه‌ردانا خوه یا ژ بۆی ئیراقێ و باشوورێ كوردستانێ ده‌وام كر، ئیرۆ گهیشت هه‌ولێرێ و ب مه‌سعوود بارزانی سه‌رۆكێ پارتییا ده‌مۆكراتا كوردستانێ ره جڤییا، پاپا سپاسییا سه‌رۆك كر ژ بۆی ئه‌ركا وی یا د پاراستنا پێكهاته‌یێن ئۆلی و نه‌ته‌وی ده كر.
پاپا فرانسیس پاپایێ ڤاتیكانێ، ئیرۆ رۆژا یه‌كشه‌می 7/3/2021ان، گهیشت هه‌ولێرێ پایته‌ختا باشوورێ كوردستانێ، ل باله‌فرخانه‌یا هه‌ولێرێ ژ هێلا نێچیرڤان بارزانی سه‌رۆكێ باشوورێ كوردستانێ و مه‌سروور بارزانی سه‌رۆكوه‌زیرێ حكوومه‌تا باشوور ڤه هات پێشوازی كرن.
پاپا ژ بۆ بارزانی: «مه هوون ژبیر نه‌كرنه، ژ به‌ر سه‌ردانا هه‌وه یا ڤاتیكانێ ئه‌م ژی هاتنه جه‌م هه‌وه»
پاپا ل گه‌ل مه‌سعوود بارزانی رێبه‌ر گه‌لێ كورد و سه‌رۆكێ پارتییا ده‌مۆكراتییا كوردستانێ جڤییا، پاپا سپاسیا سەرۆک بارزانی کر ژ بەر پاراستنا پێکھاتەیێن ئۆلی و نەتەویێن ل ھەرێما کوردستانێ و پێکانینا رەوشا پێکڤەژیانێ د ناڤبەرا وان دە.
پاپایێ ڤاتیکانێ د جڤینێ دە لگەل سەرۆک مەسوود بارزانی دەستنیشان کر کو سەردانا وان ژ بیر نەکرییە و ژ بەر وێ سەردانا سەرۆک بارزانی و سەرۆکوەزیر، ئەو ھاتییە ھەولێرێ و سەردانا ھەرێما کوردستانێ کرییە.
