رێخستنا په‌كه‌كێ 59 گه‌ریلا ل مه‌ها رابووری ل باكورێ كوردستانێ ژ ده‌ست دانه، تركیێ ژی بریارا بن چاڤ كرنێ ژ بۆی 490 كه‌سان ب جینایه‌تا ئالیگرییا ڤێ رێخستنێ ده‌رخستییه.
وه‌زاره‌تا ناڤخوه یا تركیێ ئامارا زرارێن رێخستنا په‌كه‌كێ یێن مه‌ها رابووری ل باكورێ كوردستانێ ئه‌شكه‌ره كر و ل گۆری ڤێ ئامارێ، د ته‌ڤ ئۆپه‌راسیۆنێن كو ل باژارێن كوردی هاتنه پێكئانین، 59 گه‌ریلایێن په‌كه‌كێ هاتنه قه‌تل كرن.
داخویانییا وه‌زاره‌تا ناڤخوه هه‌موه‌خت ده‌ست نیشان كرییه، پێتری 180 جی و نوقته‌یێن په‌كه‌كێ د ئێریشێن مه‌ها رابووری ده هاتنه ئیمها كرن.
هه‌ر چه‌ند كو وه‌زاره‌تا ناڤخوه ئه‌ڤ داخویانی دوهـ رۆژا شه‌می 6/3/2021ان دایه، لێ به‌لێ رێخستنا په‌كه‌كێ و بالێ وێ یێ له‌شكری هه‌په‌گێ هێژان تو ئاگاهی به‌لاڤ نه‌كرنه و ئه‌ڤ داخویانییا تركیێ نه ده‌ره‌واندییه.
رێخستنا په‌كه‌كێ و ده‌وله‌تا تركیێ هه‌موو مه‌هه‌كێ ئامارا زرارێن جانی یێن هه‌ڤ به‌لاڤ دكن، لێ به‌لێ هه‌ردوو ئالی راست نابێژن و ڤان زراران وه‌كه شه‌ره‌كی تایبه‌ت یێ مه‌دیایێ ل دژی هه‌ڤ بكارتینن.
