مەسروور بارزانی پشتگریا خوە ژ بۆ بانگا مستەفا کازمی ئاشکەرا کر

مەسروور بارزانی پشتگریا خوە ژ بۆ بانگا مستەفا کازمی ئاشکەرا کر

سەرۆکوەزیرێن ھەرێما کوردستانێ مەسروور بارزانی پشتەڤانیا خوە ژ بۆ بانگا سەرۆکوەزیرێن ئیراقێ مستەفا کازمی یا دەستپێکرنا دیالۆگەکا نیشتمانی ژ بۆ چارەسەرکرنا ریشەیی یا کێشەیێن ھەولێر و بەغدایێ تەکەز کر.

ئیرۆ رۆژا دوشەمێ 8/3/2021ێ سەرۆکوەزیرێن ھەرێما کوردستانێ مەسروور بارزانی ل تویتەرا خوە دا نڤیسی: “ب ناڤێ حکوومەتا ھەرێما کوردستانێ، پێشوازی و پشتەڤانیێ ل بانگا سەرۆکوەزیرێن حکوومەتا فەدەرال بەرێز مستەفا کازمی دکەم، ژ بۆ گوفتووگۆیا نیشتمانی د ناڤبەرا لایەنێن ئیراقێ دا ژ بۆ چارەسەرکرنا ریشەیی یا ھەموو پرسگرێک و ناکۆکیان.”

سەرۆکوەزیر مەسروور بارزانی د درێژاھیا تویتا خوە دا تەکەز کر، “ھەروھا ئامادەھیا خوە نیشان ددەین ژ بۆ رێکەفتن و چارەسەریا بنگەھین و یەکجاری یا ھەموو پرسگرێکێن د ناڤبەرا حکوومەتا فەدەرال و ھەرێما کوردستانێ دا ل گۆر بنەمایێن دەستوورێ.”

سەرۆکوەزیرێن ئیراقێ مستەفا کازمی ئیرۆ د گۆتارەکا خوە دا داخواز کر کو ژ بۆ رێکەفتنا د ناڤبەرا ھەولێر و بەغدایێ دا، دیالۆگەکا نیشتمانی ل سەر ھەموو ئاستان بهێتە کرن.

ھەروھا کازمی دیار کر ژی، گۆتووبێژ دێ ژ بۆ وێ یەکێ بن، چارەسەریەکا بنگەھین ژ بۆ هەموو پرسگرێکێن د ناڤبەرا حکوومەتا فەدەرالا ئیراقێ و ھەرێما کوردستانێ دا بهێنە دیتن.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری