هه‌ژمارا چه‌كدارێن په‌كه‌كێ ل باكور 83% داكه‌تییه
ھەژمارێن چه‌كدارێن په‌كه‌كێ ل باكورێ كوردستانێ 83% داكه‌تییه، ئه‌ڤ ژی ب وێ واتایێ تێ كو رێخستنێ باشوورێ كوردستانێ كرییه مه‌یدانا شه‌ر و ئه‌و چ چالاكییان ل باكور ئه‌نجام ناده‌ت.
وەزیرێ كارێن ناڤخوه یێ ترکیێ سوله‌یمان سۆیلو ئیرۆ رۆژا سێشەمبیێ 9/3/2021ێ گۆت: «د 4 سالێن داویێ دا، ھەژمارا چه‌كدارێن په‌كه‌كێ ل ترکیێ ب رێژه‌یا 83% داکەتییە و نها رێخستنێ دوورێن 300 چه‌كداران د تركیێ دا هه‌نه».
ب گۆتنا سۆیلۆ، د ڤان 4 سالێن داویێ دا، ته‌ڤلیبوونا رێخستنێ گه‌هشتییه ئاسته‌كێ هه‌ری كێم، هه‌موه‌خت نها ژ ھەر دەمی پتر ئەندام رێخستنێ ته‌رك دكه‌ن، ل سالا رابووری 2020ێ، 243 ئه‌ندامان ته‌ركا په‌كه‌كێ كر و خوه راده‌ست كرینه.
ئه‌ڤ ئامار نه ته‌نێ ژ هێلا تركیێ ڤه هاتییه پارڤه‌كرن، لێ به‌لێ ناڤەندا ALCED یا ئه‌مه‌ریكی كو سازییه‌كا نه‌حكوومی یا تایبه‌ته ب به‌لاڤ كرنا داتایێن شه‌ر و په‌ڤچوونان، ل سالا رابووری راپۆره‌ك بەلاڤ کربوو و تێدا ئه‌شكه‌ره كر كو شەرێ د نێڤبه‌را ترکیێ و پەکەکێ دا 77%ێ ل ناڤا خاکا باشوورێ کوردستانێ یه.
ڤێ سازییا ئه‌مه‌ریكی ئه‌شكه‌ره كربوو په‌كه‌كێ چ چالاكییه‌كا وه‌سا ل باكوورێ كوردستانێ ئه‌نجام ناده‌ت.
ئه‌ڤ ئامار وێ یه‌كێ ب زه‌لالی نیشان دده‌ت كو رێخستنا په‌كه‌كێ شه‌رێ خوه ڤه‌گوهاستییه د باشوورێ كوردستانێ دا و هه‌ر كو دچه شه‌ری پتر نێزیكی گوند و باژارۆكێن باشوور دكه‌ت.
