پارتیێن دەستهەلاتدار ل ترکیا، ئاکەپە و مەھەپە بەریا ھلبژارتنێن خزیرانا 2023یێ، داکو بکارن دەستهەلاتداریا خوە بەردەوام بکەن د یاسایا ھلبژارتنێ دا گوھەرتنان پێک تینن. گوھەرتنا یاسایا ھلبژارتنان د دەمەکێ دا کەتە د رۆژەڤا ترکیێ دا کو د ئەنجامێن راپرسیان دا ئەشکەرا بوویە دەنگێن ھەردو پارتیێن دەستهەلاتدار ب رێژەیەکا بەربچاڤ کێم بوونە.
ل گۆری رەشنیڤسا ھاتیە ئامادەکرن و رۆژا 24ێ ئادارا 2021ێ ژ سەرۆکێ ئاک پارتی و سەرۆک کۆمارێ ترکیا رەجەب تەییب ئەردۆگان را دهێتە شاندن و پشترا ژی ھەگەر سەرۆکێ مەھەپێ دەولەت باخچەلی ژی پەسەند بکەت، دێ رەشنڤیس ژ بۆ پارلامەنتۆیا ترکیا هێتە شاندن.
ل گۆری مەدیایا ترکیا، داویا ڤێ مەھێ گوھەرتن د یاسایا پارتیێن سیاسی دا دێ هێنە کرن، د وان گوھەرتنان دا بەحسا داخستنا بەندا ھلبژارتنێ ژ 10% بۆ %7ێ دهێتە کرن و حیزب گوھەرتنا پارلامەنتەران ژی دهێتە ئاستەنگکرن.
ھەروھا د ھلبژارتنێن پارلامەنتۆیێ دا گوھەرتن دهێتە کرن کو ل گۆری وێ گوھەرتنێ دهێتە خواستن بازنەیێن تەنگ بێنە ئاڤاکرن و ھەر بازنەیەک زێدەتری 7 پارلامەنتەران دەرنەخیت.
